Скачать или смотреть DC mpya wa Mlele akabidhiwa ofisi kwa Miradi hii...

#NEWS Katika makabidhiano ya Ofisi,aliyekuwa Mkuu wa Wilaya ya Mlele Rachel Kasanda amemuomba Mkuu mpya wa Wilaya hiyo Filberto Sanga kusimamia vifaa vinavyotakiwa kuletwa kwa ajili ya ukamilishaji wa ujenzi wa Hospitali za Wilaya zilizopo Mlele na Mpimbwe ili ziweze kufanya kazi vizuri pindi zitakapomalizika.


Kasanda amemuomba DC Sanga pia kusimamia kwa ukaribu ukamilishaji wa Ujenzi wa Kituo cha Afya Ilunde kilichopo Kata ya Ilunde H/W ya Mlele kwakuwa kipo mbali na mjini hivyo kupelekea vifaa vya Ujenzi kutofika kwa kutosha na kwa wakati.


Kadhalika,Kasanda amemuomba DC Sanga kufutilia kwa ukaribu ukamilishaji wa Miradi mbalimbali inayoendelea kujengwa ikiwemo Miradi ya Nyumba za Wakuu wa Idara H/W Mpimbwe,Ofisi za Wakurugenzi,Miradi ya Elimu ikiwemo na Madawati na kusema kuwa yupo tayari kumpa ushirikiano endapo kuna mahali kutamtatiza.


Kwa upande wake Mkuu wa Wilaya ya Mlele Filberto Sanga mara baada ya kukabidhiwa Ofisi ameahidi kuyafanyia kazi yote aliyoshauriwa na Aliyekuwa Mkuu wa Wilaya hiyo Rachel Kasanda na kuiomba timu yote iliyofanya kazi na mtangulizi wake kuendelea kumpa ushirikiano na yeye.


Nae Lucas Kifyasi Mwakilishi wa Mkurugenzi Halmashauri ya Wilaya ya Mlele kwa niaba ya Wakurugenzi wote (Mlele na Mpimbwe) amemshukuru aliyekuwa Mkuu wa Wilaya hiyo Rachel Kasanda kwa ushirikiano walioupata kutoka kwake huku wakiahidi kutoa ushirikiano kwa DC Sanga kwa kufanya vizuri kiutendaji na katika ukusanyaji wa Mapato ya ndani.