Скачать или смотреть យុវជនជម្នះឡើងភ្នំឱរ៉ាល់វិលល្ងាចដើម្បីទទួលបានបទពិសោធន៍ថ្មី

យុវជនជម្នះឡើងភ្នំឱរ៉ាល់វិលល្ងាចដើម្បីទទួលបានបទពិសោធន៍ថ្មី
ដំណើរផ្សងពេ្រងកាត់ព្រៃភ្នំ ដើម្បីឡើងដល់កំពូលភ្នំដែលខ្ពស់បំផុតនៅក្នុងប្រទេសកម្ពុជាដោយចំណាយរយៈពេលត្រឹមតែមួយថ្ងៃរបស់អ្នកចូលចិត្តដំណើរផ្សងព្រេងមួយនេះ បានធ្វើឲ្យពួកគាត់ទទួលបានបទពិសោធន៍ថ្មីៗជាច្រើន។ មូលហេតុដែលអ្នកទេសចរ សម្រេចចិត្តឡើងចុះភ្នំឱរ៉ាល់ត្រឹមរយៈពេលមួយថ្ងៃព្រោះចង់ជម្នះខ្លួនឯង និងដឹងពីសមត្ថភាពរបស់ខ្លួន។
កញ្ញា មិនា ជានារីដែលឡើងទៅដល់កំពូលភ្នំឱរ៉ាល់មុនគេក្នុងចំណោមនាក់ផ្សងព្រេងនារីដទៃទៀតបានបង្ហាញបទពិសោធន៍នៃដំណើរផ្សងព្រេងមួយនេះថា «ដំបូងពេលដល់ជើងភ្នំរៀងហត់បន្តិច ប៉ុន្តែពេលឡើងមកដល់លើកំពូលគឺសប្បាយព្រោះអត់ដែលគិតថាខ្លួនឯងឡើងដល់។ នៅពេលដល់កំពូលគឺមានមោទនភាពចំពោះខ្លួនឯងដែលអាចធ្វើបាន»។
កញ្ញាបានប្រាប់សហការីសារព័ត៌មានថ្មីៗ២៥ ថានេះជាលើកទីមួយសម្រាប់កញ្ញាក្នុងដំណើរឡើងភ្នំ ក្នុងប្រទេសកម្ពុជា ហើយជាភ្នំដែលខ្ពស់ជាងគេទៀតផង។ មូលហេតុដែលកញ្ញាជ្រើសរើសឡើងភ្នំឱរ៉ាល់ព្រោះវាជាភ្នំដែលខ្ពស់ជាងគេ ហើយជាកន្លែងដែលកញ្ញាមានបំណងចង់មកយូរហើយ។
ចំណែកមិត្តភ័ក្តិមួយក្រុមដែលជាបុរសមានគ្នាបីនាក់ បានបង្ហាញចំណាប់អារម្មណ៍របស់ខ្លួនក្នុងដំណើរផ្សងព្រេងឡើងភ្នំជាលើកទីមួយនេះថា មូលហេតុដែលពួកលោកសម្រេចចិត្តឡើងភ្នំឱរ៉ាល់ព្រោះជាភ្នំដែលខ្ពស់ជាងគេ។ ថែមទាំងចង់ជម្នះខ្លួនឯង ព្រោះនេះជាកម្មវិធីផ្សងព្រេងមួយដែលត្រូវឡើងចុះភ្នំមួយក្នុងរយៈពេលត្រឹមមួយថ្ងៃ។
បុរសម្នាក់ក្នុងចំណោមមិត្តភ័ក្តិបុរសទាំងបីនេះបានបង្ហាញចំណាប់អារម្មណ៍របស់ខ្លួនថា «ពេលឡើងដល់គឺមានអារម្មណ៍ថាស្រស់ស្រាយ ហើយយើងមានអារម្មណ៍យើងបានមកដល់ចំណុចកំពូលក្នុងប្រទេសកម្ពុជា។ សម្រាប់អាកាសធាតុបើប្រៀបជាមួយប្រទេសដទៃមិនចាញ់គ្នាទេ សីតុណ្ហភាពត្រឹមប្រហែល១០អង្សា ហើយមានភ្លៀងតិចៗទៀតវាត្រជាក់ស្រួល ជាពិសេសធម្មជាតិខៀវស្រងាត់»។
បុរសម្នាក់ទៀតបានបន្ថែមថា ការឡើងភ្នំឱរ៉ាល់នេះធ្វើឱ្យលោកទទួលបានបទពិសោធន៍ថ្មី។ «ឡើងមកដល់ទីនេះយើងអាចដកស្រង់បទពិសោធន៍ថ្មីផ្ទាល់ខ្លួន ហើយយើងអាចវាស់ស្ទង់សមត្ថភាព ទឹកចិត្តរបស់យើងក្នុងការធ្វើអ្វីមួយដែលយើងចង់បាន។ អ៊ីចឹងប្រសិនបើយើងអាចជម្នះឡើងមកដល់នេះបាន យើងក៏អាចធ្វើអ្វីផ្សេងជោគជ័យដូចគ្នា ព្រោះឡើងមកនេះឧបសគ្គគឺវាមានច្រើនណាស់»។

ទេសចរដែលបានផ្សងព្រេងឡើងភ្នំឱរ៉ាល់វិល ល្ងាច បានផ្ដាំផ្ញើរទៅទេសចរដទៃទៀតស្រដែងគ្នាដូច្នេះថា ទេសចរទាំងអស់ទាំងបុរសនិងស្ត្រីគួរឡើងភ្នំឱរ៉ាល់ព្រោះជាភ្នំដែលខ្ពស់ជាងគេក្នុងប្រទេសកម្ពុជា។ ហើយការឡើងភ្នំជាការជម្នះខ្លួនឯងដើម្បីទទួលបានបទពិសោធន៍ថ្មី។ មិនត្រឹមតែប៉ុណ្ណោះអាចឱ្យអ្នកឡើងមកដល់ឃើញទេសភាពមួយប្លែក។ ជាពិសេសអាចជួយផ្ដល់ការងារដល់សហគមន៍ ដើម្បីកាត់បន្ថយការកាប់ព្រៃឈើ។
#ភ្នំឱរ៉ាល់
#ដើរព្រៃ
#Thmeythmey25
--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey