Скачать или смотреть WANAFUNZI KATAVI WAFURAHIA KUKAMILIKA KWA SHULE MPYA...

WANAFUNZI KATAVI WAFURAHIA KUKAMILIKA KWA SHULE MPYA...

Baadhi ya wanafunzi waliochaguliwa kujiunga kidato cha kwanza katika shule ya Sekondari Majalila Halmashauri ya Wilaya ya Tanganyika Mkoa wa Katavi wamesema huu ndio wakati wao wa kutimiza ndoto kupitia elimu kutokana na ubora wa miundombinu hali inayovutia hata kwa ambao hawakuwa na mpango wa kuendelea na masomo.

Wamaeyasema hayo mbele ya Mkuu wa wilaya ya Tanganyika Onesmo Buswelu alipofika katika shule hiyo mpya kukagua maandalizi,wakati wakitoa shukrani zao kwa Serikali kwa kuwasogezea huduma karibu tofauti na mwanzo walipokuwa wakitembea umbali mrefu kabla ya uanzishwaji wa shule hiyo.

Aidha,wamewasihii wazazi kuchangia chakula ili wawapo shuleni wasipate shida ya njaa hali inayoweza kusababisha washindwe kuelewa masomo darasani na mwisho washindwe kufanya vizuri katika masomo yao.

Kwa upande wake Mkuu wa wilaya ya Tanganyika Onesmo Buswelu amewaondoa hofu wazazi na walezi kuwa maandalizi kwa upande wa Serikali yako tayari ambapo jumla ya vyumba vya madarasa 80 vimekamilika na miundombinu yake sanjari na walimu.

DC Buswelu ametoa wito kwa walimu kuhakikisha wanahudhuria vipindi muda wote wa siku za shule bila kukosa ili shule hiyo mpya iweze kujinyakulia sifa nzuri ya kufaulisha na atakayebainika kushindwa kuhudhuria vipindi atachukuliwa hatua za kinidhamu.

Naye Afisa Elimu halmashauri ya Wilaya ya Tanganyika Mwalimu Roza Nabahani amesema wanafunzi 3000 katika halmashauri hiyo wanatarajia kuanza masomo ya kdato cha kwanza na hakuna upungufu wa madarasa wala madawati na sasa imejengwa shule moja na kufanya halmashauri hiyo kuwa na jumla ya shule za Sekondari za Serikali 17 na moja shule binafsi.