Скачать или смотреть Isaorako ry Ray - Ny Mpihiran'ny Farimbona, FJKM Ankadifotsy

1- Misaotra anao aho Andriamanitra mpiahy,
Fa ny fahasoavanao no naha toy izao anay.
Narindranao hatrany ny fiainanay tety,
Na tsiky na tomany teo foana ianao fa tena tia.

Fiv: Isaorako ry Ray ô! 'zay rehetra avy Aminao!
Satria fantatray fa noho ny fitiavanao.
Ny hany faniriana mipololotra anatinay,
Tsy ho diso fitahiana, ho sambatra Aminao 'zahay!

2- Ny fifaliana soa 'zay iainanay ety,
Dia fantatray tokoa fa avy Aminao 'lay Tompo tia.
Ny fahorian'ny tany, fitsapana avy Aminao,
Mbola ho zakaiko izany raha zay no tendry, lahatrao.

3-Dia mbola andrandraiko ny fahasoavanao ry Ray,
'zay lahatrao tsy haiko,
Matoky aho tsy manahy.
Raha mbola eto an-tany,
Ô! Manomboka hatrizao,
Ho tokiko hatrany 'lay teny hoe Momba ahy Ianao!

(Isaorako ry Ray - Ny Mpihiran'ny Farimbona FJKM ANKADIFOTSY
Anja Ratsimbazafy (2002))