حانی شئے مُرید ۔ سیمی ( گُذّی ) بھر ۔Haani shay mureed part 3 last episod

داستان حانی شئے مُرید

شئے مُرید ءُ حانی ءِ مہری داستان بلوچ چاگرد ءِ تہا نامدار ءُ مشہُوریں داستانے زانگ بیت ، کہ اے مہری داستان ءِ اہمیں کارست چاکر اِنت ، یکّے شئے مُرید ولد مبارک دومی حانی بنتِ دینار سیمی میرچاکر خان رند ولد میر شیھک ، چارمی ھرّگیں سازین کہ ڈیک ءِ کردار ءٙ ادا کنت ،
بیت چوش کہ یک رندے میریں چاکر خان شکار ءٙ رند وھدے وتی ھنکیں ءٙ آھگ ءٙ بیت تہ راہ ءٙ آئی ءٙ تُنّ گیپت ، آ گوں وتی ہمراہاں دینار ءِ لوگ ءٙ روت ، لوگ ءٙ دگہ مردین آدم نہ بیت ، بلوچ چاگرد ءِ روایتانی رِد ءٙ حانی در کئیت ءُ میر چاکر ءٙ آپ دنت ، حانی آپانی تہا پِشّکی تاک مان کنت ، تنکہ آپ وروک ءٙ آپ مہ گِر اٙنت ، میر چاکر تُنّ ءِ پروشگ ءٙ رند واتر وٙ کنت بلئے حانی ءِ شررنگی ءُ دانائی آئی ءِ ذھن ءٙ ہنچو نقش بیت کہ آ گوں حانی ءٙ آروس کنگ ءِ واھگ ءٙ داریت جُست ءُ پُرس ءٙ پد آ ، ڈھاڈر ءِ سرّاپ ءُ ھرّگیں زالے سازین ءِ کُمک ءٙ زیریت ، سازین حانی ءِ گور ءٙ کئیت ءُ آئی ءٙ گوں میریں چاکر ءٙ آروس کنگ ءِ راضی کنگ ءِ جھد ءُ وس ءٙ کنت بلئے حانی ہچ پیم تیار ءُ راضی نہ بیت ۔
چاکر دگہ راہے شوہاز کنت یک روچے دیوانے جمینیت ءُ کُلّاں چہ قول ءُ اقرار کنائین ایت ، اے دیوان ءِ تہا چہ میر چاکر ءُ شئے مُرید ءٙ ابید نودبندگ ، جاڈو ، ھئیبتان ءُ دگہ لہتے مردم ہم قول کن اٙنت شئے مُرید قول کنت ۔

ایش اِنت منی قول ءُ بنا ء
پشمبہ ءِ سُہب ءِ سرا
من مسجد ءٙ واناں نماز
کسّے بہ لوٹیت داد چہ من ءٙ
من دادن ءٙ بند نہ باں

نُو چاکر کمّے وار ءُ گیگ بیت ، آ زانت کہ نو چہ شئے مُرید ءٙ حانی ءِ پُلگ گران نہ اِنت ۔ یک روچے پشمبہ ءِ سُہب ءِ سرا چاکر ڈومباں شئے مُرید ءِ راہ ءِ سرا نادین ایت ، وھدے شئے مُرید چہ مسیت ءٙ در کئیت ءُ ڈومبانی نزیک ءٙ رسیت تہ دودانی پد ءٙ آ چہ ڈومباں احوال کنت ءُ داد ءِ لوٹگ ءِ آہاں گُشیت ۔
ڈومباں چہ یکے شئے مُرید ءٙ قول گیپت کہ ما ہرچی بہ لوٹیں تو داد ءِ دئیگ ءٙ بند نہ بئے ، شئے مرید بے وار بیت بلئے روایت آئی ءِ دیما کاینت ، آ قول ہم کنت نُو ڈومب گش اٙنت کہ مارا دُنانی حانی ءٙ بکش ءُ شئے مُرید وتی _ آ کُلّیں قول ءُ اقراراں شموشیت کہ آئی ءٙ گوں حانی ءٙ کتگ اِت اٙنت
#daastaan #haani_shaymureed


حانی شئے مریداولی بھر

   • حانی شئے  مُرید . اولی بھر  ۔  Haani ...  

حانی شئے مرید دومی بھر

   • حانی شئے مُرید ۔ دومی بھر Haani shay ...