Скачать или смотреть ✍️: surat સરકારી વિજ્ઞાન કોલેજ, વાંકલ ખાતે સાયબર સુરક્ષા જાગૃતિ કાર્યક્રમનું સફળ આયોજન...

માંગરોલ તાલુકા ની સરકારી વિજ્ઞાન કોલેજ, વાંકલના સાયબર સેલ દ્વારા આચાર્ય ડૉ. રાજેશ ગોહેલના માર્ગદર્શન હેઠળ "સાઇબર આર્મર: ડિજિટલ દુનિયામાં પોતાને સુરક્ષિત રાખવા" વિષય પર ગત તા. ૦૫ ફેબ્રુઆરી ૨૦૨૫ ના રોજ એકદિવસીય સેમિનારનું સફળ આયોજન કરવામાં આવ્યું.
આ સેમિનારમાં મુખ્ય અધિતિ અને વક્તા તરીકે સુરત (ગ્રામીણ) ના મદદનીશ પોલીસ અધિક્ષક, IPS અધિકારીશ્રી, ડૉ. સંદીપ ટી., ઉપરાંત શ્રી જે. એમ. જાડેજા (PSI, સાઇબર સેલ યુનિટ, કડોદરા), ડી. કે. ચૌધરી (PSI, જંખવાવ) અને શ્રી અંકિત જેસર (સાયબર સિક્યોરિટી વોલંટિયર) ઉપસ્થિત રહ્યા.
ડૉ. સંદીપ ટી. એ સાયબર ગુનાઓના વિવિધ પ્રકારો વિશે વિસ્તૃત માહિતી આપીને, સંભવિત જોખમો અને તેનાથી બચવાના ઉપાયો અંગે મહત્વપૂર્ણ માર્ગદર્શન આપ્યું. તેમણે વિદ્યાર્થીઓને સાયબર ગુનાઓ સામે પ્રતિકાર કરવા માટે ઉપયોગી સલાહ, હેલ્પલાઇન નંબર, અને સત્તાવાળાઓ સાથે સંપર્ક કરવાની પ્રક્રિયા વિશે માહિતી આપી. વાસ્તવિક ઉદાહરણો દ્વારા તેમણે સાયબર સુરક્ષાની જાગૃતિ વધારવાનો પ્રયાસ કર્યો.
શ્રી જાડેજા અને શ્રી અંકિતભાઈએ પણ આ વિષયની વધુ વિગતવાર સમજ આપતાં વિદ્યાર્થીઓને તેમના ડિજિટલ ઉપકરણોની સુરક્ષા તપાસવા પ્રેરિત કર્યા.
આ સમગ્ર કાર્યક્રમનું સંચાલન ડૉ. અનિલ કુમાર સિંહ, માઇક્રોબાયોલોજી વિભાગના વડા અને સાયબર સેલના સંયોજક, દ્વારા કરવામાં આવ્યું. સેમિનારમાં કોલેજના તમામ ફેકલ્ટી અને 200 કરતાં વધુ વિદ્યાર્થીઓએ ઉત્સાહપૂર્વક ભાગ લીધો.
વિદ્યાર્થિર્ઓએ મુખ્ય વક્તાઓ સાથે સક્રિય સંવાદ કર્યો, સવાલો પૂછ્યા અને તેમના ડિજિટલ ઉપકરણોની સુરક્ષા અંગે ચકાસણી કરી. કાર્યક્રમે સાયબર સુરક્ષા પ્રત્યે જાગૃતિ લાવવાનો મહત્ત્વનો ઉદ્દેશ પ્રાપ્ત કર્યો.
#palejnews #surat #જાગૃતિ