Скачать или смотреть Атырауда Республика күні еліміздің дамуына үлкен үлес қосқан жандар марапатталды

Атырауда Республика күні еліміздің дамуына үлкен үлес қосқан жандар марапатталды. Әр салада қажырлы еңбек етіп, талмай тер төккен қызметкерлерге түрлі дәрежедегі мемлекеттік наградалар салтанатты түрде табысталды. Олардың қатарында мәдениет және білім саласындағы мамандар, дәрігер, ғалымдар мен мемлекеттік қызметкерлер бар.
Мерекеде бас-аяғы 35 адам марапат төрінен көрінді. Өз саласының білікті мамандарына «Құрмет», үшінші дәрежелі «Барыс», «Парасат», үшінші дәрежелі «Еңбек даңқы» ордендері мен алғыс хаттар табысталды. Аймақ басшысы Серік Шәпкенов ел экономикасы мен мәдениетіне, қоғамдық келісімнің нығаюына ықпал еткен жандардың еңбегін жоғары бағалап, ризашылығын білдірді.
СЕРІК ШӘПКЕНОВ, Атырау облысының әкімі:
Республика күні – бірлік пен тәуелсіздіктің, еліміздің дамуы мен жаңару жолындағы табыстың символы. Бүгінде Қазақстан жаңару мен жаңғыру бағытын ұстанып, заманауи мемлекеттің жаңа үлгісін қалыптастырып келеді. Бұл жетістікке әр қазақстандықтың адал еңбегі мен Отанға деген сүйіспеншілігі арқылы жеттік. Біздің бар жетістігіміз - өңір тұрғындарының еңбегі мен бірлігінің жемісі.
Мерекеде мерейі үстем болған азаматтардың бірі - Өмірзақ Қажымғалиев. Бар ғұмырын өнерге арнаған еңбек ардагерінің кеудесіне «Құрмет» ордені тағылды. Бұл марапат қажырлы еңбек пен мамандыққа деген адалдықтың жемісі дейді ол.
ӨМІРЗАҚ ҚАЖЫМҒАЛИЕВ, «ҚҰРМЕТ» орденінің иегері:
Бұл жеке қуанышым ғана емес, менімен бірге өңірдің игілігі жолында еңбек етіп жүрген барлық жандардың еңбегіне берілген жоғары баға деп білемін. Облыс әкіміне және оның командасына өңір экономикасын дамыту, халықтың тұрмыс сапасын жақсарту және қоғамдық келісімді нығайту жолындағы еңбегі үшін алғыс білдіремін.
Салтанатты жиыннан соң көк байрағымыз 91 метр биікке көтерілді. Мерекелік шараға келген 600-ге жуық адам көппен бірге әнұранды орындап, мерекенің рухын асқақтатты.



#Информбюро #31арна #БастыЖаңалықтар #Новости #31канал