အစ္စလာမ်ဘာသာဝင်အမျိုးသမီးရဲ့အိမ်ထောင်ရေးပြဿနာ

Talaq (တာလက်) သုံးကြိမ်ခေါ်ရုံနဲ့ အမျိုးသမီးကို ကွာရှင်းပြီးသားဖြစ်သလား၊ အမျိုးသားဘက်က တင်ပြချက် မှန်ကန်ခြင်းရှိမရှိ မစစ်ဆေးဘဲ မှားယွင်းတင်ပြရင် အလ္လာနဲ့ရှင်းလိမ့်မယ်ဆိုတဲ့ အိုလမာအဖွဲ့ကလူကြီးတွေရဲ့ စကားတခွန်းနဲ့ ပြီးစတမ်းလား … အစ္စလာမ်ဘာသာဝင်အမျိုးသမီးတဦးက ကိုယ်တွေ့အဖြစ်အပျက်နဲ့ယှဉ်ပြီး မေးခွန်းထုတ်လိုက်ပါပြီ။

အစ္စလာမ်ထုံတမ်းအရ ၃ တာလက် (ကွာပြီဟုသုံးကြိမ်ပြော) ပြီး ကွာရှင်းခြင်းခံရမှုနှင့်ပတ်သက်၍ တဖက်သတ်ကွာရှင်းခြင်းခံခဲ့ရသူ ဒေါ်အေးမြတ်သူက ၎င်း၏ ခင်ပွန်းဟောင်း ဦးအောင်သက်ဦးကို အင်းစိန်မြို့မရဲစခန်းတွင် ၂၀၁၈ ခုနှစ် အောက်တိုဘာ ၁၁ ရက်က ပုဒ်မ ၃ ခုဖြင့် အမှုဖွင့်ခဲ့သည်။

''ပုဒ်မ ၃ ခုနဲ့ အမှုဖွင့်တယ်။ ကျွန်မက အချိန်ကန့်သတ်ပေးထားတယ်။ အဲဒီအချိန်မှာ ကျွန်မတောင်းဆိုတာ မလုပ်ပေးရင် တရားစွဲမယ်ဆိုတာ ပြောထားပြီးသား။ သူတို့ကိုယ်တိုင်ကလည်း ငွေများတရားနိုင်တာကို ပြပေးမယ်ဆိုတော့လေ။ ကျွန်မတို့က မြန်မာနိုင်ငံသားတွေ၊ နိုင်ငံသားဥပဒေမှာရော၊ ဆင်းရဲချမ်းသာမရွေး ဘာမှမရှိစေရဆိုတဲ့အတိုင်း ကျွန်မ တရားဥပဒေကို ယုံကြည်တယ်။ ဒါကြောင့်မို့လို့ ကျွန်မရဲ့တရားမျှတမှုကို ကျွန်မကိုယ်တိုင် လိုက်နေတာ''ဟု ဒေါ်အေးမြတ်သူက ပြောသည်။

10 Sep 2018