Скачать или смотреть 《風華背後》開鏡Ada重提張晉險死細節 傳媒借Liza姐出口催Bosco拍拖

《風華背後》開鏡Ada重提張晉險死細節 傳媒借Liza姐出口催Bosco拍拖

由 汪明荃 蔡少芬 朱茵 黃宗澤 譚俊彥 姜大衞 蔡潔 鄭希怡 等合作演出嘅新劇《風華背後》，星期日舉行開鏡儀式，同場亦為Liza姐預祝月底嘅生日。新劇陣容鼎盛，朱茵更係相隔22年來回巢演出，加上同Ada呢位好姊妹合作，佢哋都話非常期待呀。

而Ada嘅老公張晉，日前公開早前一家人旅行時自己身體突然不適，幾乎客死異鄉靠意志死頂返港，Ada呢日重提都一臉憂心，指張晉返港後發現心臟有血管8成閉塞。張晉更指當時一度以為自己會告別塵世，一直諗住家人先由鬼門關重返人間。同為人母嘅佢哋，一提起小朋友將踏入青春期，就又有另一重擔心呀。

多年來未有戀情公佈嘅Bosco，呢日就被記者借Liza姐把口狙擊喇，連Liza姐都擔心佢感情零分，希望快啲有人照顧佢喇。而家英哥早前受訪將近年生活同病況大公開，亦令Liza姐非常頭痛，仲鬧到老公不得了，更話幾十歲人難以制止家英哥繼續大鳴大放呀。

John哥劇中同Liza姐扮演一對，雖然大家都從影多年，不過原來新劇係兩人首次正式合作，非常難得，仲講笑話自己好驚喎。而Shaun就同乎茵合演，仲爆有少少親熱場面呀。

#風華背後 #開鏡 #汪明荃 #蔡少芬 #朱茵 #黃宗澤 #譚俊彥 #姜大衞 #蔡潔 #鄭希怡 #張晉 #心臟血管閉塞 #拍拖 #羅家英 #首次合作 #親熱場面
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0