Скачать или смотреть WADAIWA SUGU KWENYE NYUMBA ZA NSSF KIJICHI WATIMULIWA

Mfuko wa Taifa wa Hifadhi ya Jamii (NSSF) umeanza zoezi la kuwaondoa wadaiwa sugu walioshindwa kutekeleza matakwa ya mkataba wa ununuzi wa nyumba katika miradi yake ya Dar es Salaam, utekelezaji unaofanyikae katika nyumba za Kijichi, Wilayani Temeke.

Akizungumza katika eneo la Kijichi Dar es Salaam, Meneja Miliki wa NSSF, Geofrey Timoth amesema kutekeleza zoezi hilo la kuwaondoa wadaiwa sugu walioshindwa kulipa madeni yao ya muda mrefu katika nyumba za NSSF, ni sehemu ya kuhakikisha Mfuko unapata mapato yaliyokusudiwa kupitia miradi yake ikiwa pamoja na miradi ya nyumba.

Kwa upande wake, Mwenyekiti wa Serikali ya Mtaa wa Changanyikeni, Dionisia Kamugisha, alitoa wito kwa wananchi wa mtaa huo walionunua nyumba za NSSF kulipa madeni yao wanayodaiwa ili kuepuka adha ya kuondolewa katika nyumba hizo