Скачать или смотреть Qərbi azərbaycanlılar Naxçıvanda toplandılar – “Dərələyəzə qayıtmağı arzulayırıq” – APA TV

#APATV #apaxeber #apaxəbər #apatvxəbər #apaxeberler #apa #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #sondeqiqe #sonxeberlerbugun2024 #gundemxeber #apagündəm

Zəngəzur Milli Parkı-Batabat yaylağında “Qərbi Azərbaycana qayıdış” festival-konqresi öz işinə başlayıb. Festivalda ölkəmizin müxtəlif bölgələrində yaşayan və əslən Qərbi Azərbaycandan olan vətəndaşlar, Qərbi Azərbaycandan olan xarici ölkələrdə yaşayan vətəndaşlar və eləcə də qardaş Türkiyə universitetlərinin heyətləri iştirak edirlər. Festivalın ilk günündə “Zəfər” kompozisiyası təqdim olunub. Əlahiddə Ümumqoşun Ordunun Şuşayadək zəfər yolu keçən qəhrəmanları Şuşaya sancılan və Zəfər paradında nümayiş etdirilən Zəfər Bayrağını meydana gətiriblər. Şəhidlərimizin xatirəsi bir dəqiqəlik sükutla yad edildi, hərbi orkestrin müşayiəti ilə Azərbaycan Respublikasının Dövlət Himni səsləndirildi. 2023-cü ilin antiterror tədbirlərində əldə etdiyimiz möhtəşəm qələbəyə həsr olunmuş “Zəfər marşı” ifa olundu. Festival-konqresdə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli, Elm və Təhsil Nazirliyi Emin Əmrullayev, Naxçıvan Dövlət Universitetinin rektoru Elbrus İsayev, Qərbi Azərbaycan İcması İdarə Heyətinin sədri Əziz Ələkbərli çıxış etdilər. Festivalda Qərbi Azərbaycanda xalqımızın uzun illər ərzində yaratdığı mədəniyyət, mədəni irs, tarixi keçmişimiz təbliğ edilib.

Həmçinin festival-konqresdə Qərbi Azərbaycana məxsus folklor nümunələri, kulinariya, musiqi və yallı nömrələri, sərgilər, ədəbi-bədii kompozisiyalar təqdim olunub.

Festivalda Qərbi Azərbaycanın 11 mahalını canlandıran çadırlar qurulub. Çadırlarda hər mahala məxsus yeməklər, adət-ənənələrini özündə əks etdirən qədim tarixi əşyalar nümayiş etdirilib.

Qərbi Azərbaycan əsilli iki gənc-Elvin Səyyadovla Fəridə Əliyevanın toy məclisi elə Batabat yaylağında təşkil olunan festivalda keçirilib. Məclisdə Qərbi Azərbaycan adət-ənənələrinə uyğun “Elçilik”, “Nişan taxma”, “Paltar biçmə”, “Çörəküstü”, “Xına”, “Gəlin köçürmə” kimi mərasimlər də keçirilib.

Keçirilən toy məclisində dövlət rəsmiləri, ictimaiyyət xadimləri və qonaqlar iştirak ediblər.
Bununla yanaşı, Batabat yaylağında keçirilən festival-konqresdə “Qərbi Azərbaycana qayıdış” olimpiadasının qalibləri də mükafatlandırılıb. Qeyd edək ki, festival-konqresin 2-ci günündə yerli və beynəlxalq rəyçilər tərəfindən Qərbi Azərbaycanın tarix, həqiqətlər və faktları, mədəni sərvətləri, dil faktları və toponimikası, ədəbiyyatı və folkloru, elm və təhsili, təbii sərvətləri, həmçinin Qərbi Azərbaycana qayıdışın hüquqi aspektləri mövzusunda konfranslar keçiriləcək.

CEYHUN MƏMMƏDOV
ƏLİ XUDİYEV

✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi X səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) info@apa.tv