Скачать или смотреть WANANCHI WA MWANZA WAZUA TAHARUKI YA KUVAMIWA NA 'TELEZA' ANAYEDAIWA KUFANYA VITENDO VYA UKATILI

Jeshi la polisi mkoa wa Mwanza limewatoa hofu wakazi wa kata ya Mkolani na Buhongwa wilayani Nyamagana kufuatia kuwepo kwa taarifa potofu ya uwepo wa mtu aitwaye tereza anayedaiwa kubaka, kulawiti na kujeruhi wanawake na kuwataka wanachi hao kuzipuuza taarifa hizo

Akizungumza na wananchi wa kata hizo mbili Kamanda wa jeshi la polisi mkoa wa Mwanza DCP Wilbrod Mutafungwa amesema wanamshikilia mtu huyo huku wakihakikisha anapimwa afya ya akili kufuatia kuonesha dalili za kuwa na ugonjwa wa akili kabla ya kuhojiwa kuhusu madai ya wananchi hao waliompa jina la 'TELEZA'

Kamanda Mutafaungwa amewataka wananchi kuacha tabia ya kujichukulia sheria mkononi pindi wanapobaini kuna hali ya sintofahamu na badala yake wahakikishe wanatoa taarifa katika vyombo husika ili hatua za kisheria zichukuliwe

Kwa upande wake Afisa mtendaji wa mtaa wa Kishila Martha Haule amesema wataendelea kutoa elimu kwa wananchi kuacha tabia ya kujichukulia sheria mkononi pindi inapotokea hali ya sintofahamu