Скачать или смотреть Fenomeni i rrallë në Shëngjin, eksperti i mjedisit shpjegoi se çfarë ka ndodhur

Prej disa ditësh në Shëngjin është parë një fenomen i rrallë i tërheqjes së theksuar të detit deri në 30-40 metra.

Siç raportoi gazetari Martin Marku, një pamje e tillë duket se ka qenë prej 5 ditësh në Shëngjin. Ajo ka tërhequr vëmendjen dhe interesin e banorëve duke qenë të paqartë për këtë dukuri natyrore që po ndodh shpesh në plazhet e Lezhës.

Megjithatë specialistët e mjedisit e kanë dhënë një arsye për këtë fenomen. Në një komunikim, specialisti Jak Gjini shpjegoi në vija të përgjithshme se fenomeni është natyror dhe ka si luhatje presionin atmosferik të ajrit, intensitetin e erërave dhe dinamikën e masave ajrore.

“Ajo që vërehet fare thjeshtë është kjo. Kemi dy kufij të dallueshëm njëri i ngarkuar me molusqe detare të ujërave të cekëta, pastaj vjen më pak i ngarkuar dhe këtu ku përfundon janë pjesa që gjatë baticë-zbaticës laget më shumë dhe shërben për të mbajtur jetë këto organizma. Në rastin e tërheqjeve jo të zakonshme të rrymave detare, atëherë këto zbulohen dhe këtu jemi në gjendje me pa këto nivele që në një mjedis detar të cekët siç jemi këtu në Shëngjin atëherë dallojmë se ku qenkan këto ujëra dhe ky nivel ujërash ku na rreh aty në breg. Pra kemi pjesën baticë-zbaticë të zakonshme normale, dhe në breg është pikërisht ajo që e quajmë si paraplazhi dhe që laget kur ujërat e mbulojnë dhe largohen çdo 4 orë të frekuencës normale dhe pastaj vjen pjesa e plazhit”, tha Gjini.

Sipas asaj që raportoi gazetari Martin Marku, ekspertët shpjegojnë se ajo që ka ndodhur nuk është alarmante apo për t’u shqetësuar.


SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan