Скачать или смотреть ‘Zero balance’ billing sa DOH hospitals, nilinaw ng kagawaran

Tiniyak ng Department of Health (DOH) na maipatutupad ang ‘zero balance billing’ na inanunsyo ni Pres. Ferdinand Marcos, Junior sa kanyang State of the Nation Address (SONA).

Pero binigyang-diin ni DOH Asec. Albert Francis Domingo na para muna ito sa mga ospital na nasa ilalim mismo ng kagawaran.

Nilinaw ng opisyal na bagama’t maraming pampublikong ospital, hindi lahat ay nasa ilalim ng doh.

May mga ospital kasi na Government-Owned and Controlled Corporation (GOCC), gaya ng Lung Center of the Philippines, Heart Center, at National Kidney and Transplant Institute (NKTI), habang mayroon ding pinatatakbo ang mga lokal na pamahalaan.

Binigyang-diin na ang ‘zero balance billing’ ay para sa mga nasa basic accommodation, at hindi ‘yung mga kumukuha pa ng amenities, gaya ng private room, may telebisyon at iba pa.

Facebook:   / dzbb594  
Twitter:   / dzbb  
TikTok:   / dzbb  
Instagram:   / dzbb594khz  
Threads: https://www.threads.net/@dzbb594khz