香港新生代演員鍾雪瑩爆冷奪金馬影后 吳君如台上借位吻男神許光漢超回味

香港新生代演員鍾雪瑩爆冷奪金馬影后 吳君如台上借位吻男神許光漢超回味

第61屆金馬獎頒獎典禮圓滿結束，今年影后競爭激烈，由吳君如、張艾嘉、區嘉雯、鍾雪瑩、夏于喬角逐，最終最佳女主角由鍾雪瑩憑《看我今年怎麼說》爆冷奪得。鍾雪喺台上都有以手語多謝支援佢地拍攝嘅朋友，另外佢亦特別點名多謝導演黃修平、吳君如同林家棟三位伯樂。

鍾雪領獎後去到記者訪問區，心情依然未平復，拎住金馬獎座眼泛淚光，仲透露同三位伯樂嘅淵源，多謝當年喺《狂舞派3》、《殺出個黃昏》同《媽媽的神奇小子》時起用佢，令一度懷疑自己是否適合做演員嘅時期受到肯定。

吳君如未有獲得影后寶座，但係令佢更開心當然係喺擔任頒獎嘉賓時同台灣男神許光漢喺台上「錫錫」，兩人上演白馬王子一吻喚醒白雪公主嘅情節，雖然只係借位之吻，但就足以令君如回味無窮。君如現身電影慶功酒會時都話明白點解咁多人喜歡許光漢，成為眾人嘅老公。被問呢一吻現實中嘅老公陳可辛會否有意見，君如笑言老公不會多言，因為呢樣係演員嘅工作之一。

影帝方面最終由黑馬張志勇憑同志角色奪獎，張志勇因工作未能到場領獎，由導演代領。最佳男女配角方面分享由金鐘視后楊貴媚同施名帥奪得，而最佳劇情片就由《一部未完成的電影》獲得。

一眾影星亦有盛裝亮相紅地氈，包括林嘉欣、張艾嘉、劉奕兒、張榕容、陳柏霖、夏于喬、擔任頒獎嘉賓嘅荷李活華裔影星關繼威，日本男星阿部寬、袁澧林、許光漢、曾敬驊、張震、擔任大會司儀既劉冠廷等。吳君如以白色low cut連身裙加上過千萬元鑽飾，利落得嚟不失氣場，而張榕容晚禮服特別嘅斜Cut剪裁﹐大騷玉背外亦令佢努力苦練既嘅肌表露無遺。


#第61屆金馬獎 #金馬影后 #鍾雪瑩 #吳君如 #許光漢 #白馬王子之吻 #林嘉欣 #張艾嘉 #劉奕兒 #張榕容 #陳柏霖 #夏于喬 #張震 #曾敬驊 #劉冠廷
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0