كافل يتيمه _بلال الماضي

  / kj4__  


((كافل يتيمه))
هذيك القمره الزينه القويمه
بشر واحد يحس انها عتيمه

شعور اللي مفارق غير عنّا
احاسيسه مع الدنيا أليمه

صحيح انه مثل ما انشوف شايف
ولكن بالقمر يلمح نديمه

يريد عيون خلق الله كفيفه
يخاف الناس تمشي بالنميمه

يقوم يسولف القمرا بهداته
كأن اللي فقدها له كليمه

يقول انتي اماني يا اماني
علامك ليه مانتي لي رحيمه

يقول اعرف هداتك واعتدالك
وعرف دروبك انها مستقيمه

انا ما انسا السنين اللي جمعتنا
اشوف الهم في صدرك واقيمه

بلا سبّه هداة الوصل راحت
كاني مرتكب اكبر جريمه

علامك ما تردّين الرسايل
انا اعرفك على قلبي كريمه

نسيتيني بلا استأذان منّي
كأنه دينتك مني عديمه

كأنه شي ماقد كان فينا
نسينا وعودنا اللي هي حميمه

نطحت اللي بغوني عنك احيد
لاني اطلب انسانه عظيمه

اذا عندك عذر ارجوك قولي
بلاش افسّر غيابك هزيمه

اذا اخطيت انا اقول اعذريني
تعرفيني بلا نيّه لئيمه

انا حطيت في صدري ممالك
ملكتي صدري انتي ي حكيمه

انا يمناي يمنى ما تردّى
انا شلتك على كفوفي الكريمه

انا ما احب اسولف وش جعلتك
اريد اذكّرك حاجه قديمه

حكيتيلي انا مالي قرايب
تيّتمتي صغيره ي حليمه

وانا قلت ابشري بالستر منّي
كفلتك بالغلا حفظ وحشيمه

اذا ماكنتي انتي من نصيبي
اريد الجنه بكافل يتيمه

بكت من صدق واحساس ومشاعر
وقال احكي تري دمعك جريمه

تريد تقول والله( اغصبوني)
وغطّت بينهم ياناس غيمه

سكت من شدّة الموقف ودنّق
وقال الحمد انا كافل يتيمه

زد رصيدك