តែងខ្លួនដូចតារា តែលោក ម៉ៅ បូរ៉ា ជាអ្នកលក់ម៉ាំ (ThmeyThmey)

តែងខ្លួនដូចតារា តែលោកម៉ៅ បូរ៉ា ជាអ្នកលក់ម៉ាំ
-----
លោក ម៉ៅ បូរ៉ា ចាប់ផ្តើមលក់ម៉ាំល្ហុង តាំងពីឆ្នាំ២០០៨មក។ មុខម្ហូបដ៏ពេញនិយមរបស់ពលរដ្ឋខ្មែរមួយនេះ បានធ្វើឲ្យជីវភាពបុរសមុខមាត់មានប្រជាប្រិយវ័យ៣២ឆ្នាំរូបនេះ ប្រសើរឡើង និងមិនចាំបាច់ធ្វើចំណាកស្រុក។ រសជាតិម៉ាំល្ហុង គឺជាភាពទាក់ទាញមួយ ប៉ុន្តែការស្លៀកពាក់ប្លែក និងការនិយាយកំប្លុកកំប្លែង កាន់តែធ្វើឲ្យបូរ៉ា លក់ដាច់ និងល្បីល្បាញមួយកម្រិតទៀត។

បើតាម លោក ម៉ៅ បូរ៉ា អតិថិជនរបស់គាត់ មិនមែនមានតែជាប្រជាពលរដ្ឋគ្រប់ច្រកល្ហកក្នុងរាជធានីភ្នំពេញ និងតាមបណ្តាខេត្តមួយចំនួនប៉ុណ្ណោះទេ ក៏មានដែរអតិថិជននៅក្រៅប្រទេស។ អ្វីដែលកាន់តែធ្វើឲ្យ បុរសមកពីខេត្តតាកែវរូបនេះ កាន់តែមានមោទនភាពទៀតនោះ គឺខ្លួនបានជួយឲ្យយុវជនដែលគ្មានការងារជាង៦០នាក់ផ្សេងទៀត ឲ្យមានចំណូលតាមរយៈការលក់ម៉ាំល្ហុងនេះ៕