Скачать или смотреть Vlog: Səməni şirniyyatının (ehsanının) hazırlanması

Bu vlogda biz səməninin nə məqsədlə və necə hazırlanması haqqında məlumat vermişik.Səmənini əsasən Lənkəran bölgəsində ehsan niyyəti ilə bişirirlər. Daha doğrusu insanlar hər hansı bir arzusunun həyata keçməsi üçün səməni nəzir edir, yəni deyir ki, bu arzum həyata keçsə, səməni ehsanı bişirib paylayaram. Səmənini bişirən adamlara 1 həftə qabaq səməninin bişirilməsi haqqında məlumat verirlər. Çünki səməni buğdasının cücərdilməsi 5-7 gün vaxt tələb edir. Cücərib hazır olandan sonra həmin cücərmiş buğdalar çəkilir,suyu sıxılır və suyu götürülür. Həmin suya qara undan qatılıb horra halına salınır və həmin horra səhər tezdən ocağın üstünə bişmək üçün qoyulur və axşama kimi bişirilir. Yəni səməninin bişirilib hazır olması 8-10 saat çəkir. Hazır olmasına az qalmış onun içinə şəkər tozu, qoz və fındıq içi tökülür. Səməni hazır olandan sonra qablara tökülüb ehsan kimi insanlara paylanılır. Adətdir ki, səməni paylanılan zaman səməni qabı ev sahibinə boş qaytarılmır. İçinə kimin ürəyindən nə keçirsə(sabun, corab, çay dəsmalı və s.) qoyub qaytarılır.


VİDEOMUZU BƏYƏNMƏYİ və ABUNƏ OLMAĞI UNUTMAYIN!!!



İnstagramdan bizi izləyin:
  / nasiba_shabnam