خالد ال بريك - من روس وايل (حصرياً) | 2024

إشترك وفعل التنبيهات في قناة المصمم زياد العتيبي الرسمية للحصول على الجديد

خالد ال بريك - من روس وايل (حصرياً) | 2024

كلمات : نايف النواف
اداء : خالد ال بريك
تصميم : احمد بن سعيد
نشر : زياد العتيبي

لمتابعة المصمم زياد العتيبي عبر التواصل الإجتماعي:)
https://bio.site/ZiyadBinMetlb

الكلمات :

البارحه من كثر ماني سارح بجو القصيد
ادوّر اللي دونها الشعّار قومه وقعده

من اندماجي صار راسي يزعجه نبض الوريد
من كثرت افكارة يحل حبلٍ والآخر يعقده

عز الله اني مبطيٍ بالحيل ما جبت الجديد
ضروفي الهتني وحاصل لي من الوقت لهده

لو ان قصيدي كل جماهيره هل الذوق الفريد
مير البنادم نوب غصبٍ عنْه ماهي في يده

واليوم عذري لو بقوله يشبه لعذر البليد
مانيب متعذّر وانا حرٍ يجمّله هدده

معيّدين وحفل ابن عمي يزيد العيد عيد
فرحان ابن صالح عسى ربي يتمم لولده

صالح سمي جده وله با المرجله حبلٍ جويد
اي والله انه عند ضنّ آبوه ما ضاع جهده

سّنافيٍ بالعز والامجاد حايز له رصيد
من طلعته طلعت سعد ماجاب علمٍ ينقده

مااهي غريبه فعلهم معروف من ماضٍ تليد
عسى الله انّه يرحم اللي ورث الطيب بعده

عقٍب رجالٍ صيتهم مع القريّب والبعيد
طاريّهم مضرب مثل صارو مع النعم حدده

من روس وايل في نهار الهوش والظرف الشديد
فدعان والفدعان من جاهم يبشّر بسعده

وانا ادحم بمتنٍ ليامن قلت ربعي من حديد
انا عنزي تاريخنا معروف ما احدٍ يجحده

ويلان في شبه الجزيره ركن والعلم الاكيد
كم حاكمٍ منا إلين اليوم شامخ فـ بلده

ما نخضع إلا لله المعبود خلاق العبيد
كسرى كسرنا شوكته من بعد ما الله قرده

عّن الطوال من النوايف لا نحيد ولا نميد
فعولنا من فضل ربــي دايمٍ متفرده