Скачать или смотреть કચ્છની કળા | Episode 02 | રણતંત્ર | RJ AKASH I

#RannTantra
02. કચ્છની કળા

કચ્છની કળા સોળે કળાએ ખીલે,
હતો જમાનો દુકાળનો, કેમ બાંધવા પશુને ખિલ્લે.

નીકળી પડતો કચ્છડો પોતાના જાનમાલ ને ચરાવવા
પોતાને પછી ભોગ પહેલા જાનમાલને ધરાવવા

એવી કલા અને માયા જેના રગરગમાં
કલા થકી રણમાંથી ફેલાયા આખા જગમાં

એવી મીઠી ધરતી તારલિયા ઓ ડોકિયાં કરે
એવી મીઠી ધરતી ચંદો પોતાને રોકિયા કરે

સ્ત્રીઓની એવી કલા, વંદન કરજો બધા વતી
એક એક મોતી જોતી જોતી પરોવતી
સંસ્કૃતિના વારસાનું જાણે ઋણ ચૂકવતી
રણના સૂકા પવનમાં પોતાના ભીના સપના સૂકવતી

કચ્છી આભૂષણોથી શોભતા આ ગળા છે,
કચ્છી સંસ્કૃતિની ગાયકીમાં ધ્રુજતા ગુંજતા આ ગળા છે,
લાકડા અહીંયાના એવા જે સોના જેવી શોભા વધારે,
આ લાકડા કાપવાની નહિ કોતરવાની કળા છે

આવકાર નો મિઠો ટહુકો મોર કરે તોરણમાંથી
બાકી ભુંગમાં વ્હાલનો દરિયો ક્યાંથી ફૂટે રણમાંથી

આ બન્ની નો પ્રદેશ અને એમાં બન્ની ની ભેંસ
બેલી અમારો બળુકો ને ખભે નાખ્યો ખેસ

એટલે કહું છું
ઉનાળે કચ્છી કેરી, શિયાળે રણ ખાસ
ચોમાસુ ગમે તેવું, અમારે તો કચ્છડો બારે માસ.

‪@RannutsavOfficial‬

Cinematography
@4pixelmediahub
@sandyfilms_official