Unaupa Son Hanghal (1981-2023) Vuina program | Mangtha le unaupa....

He video hi Unaupa Son Hangal (Sona), Mizoram UPC Kohhran tana mi tangkai, mahni mawhphurhna hlen mi, mawngzang leh fiam nuam, fiam dawl tak a ni a. Min kalsan tak avangin kohhran miten kan ngaihzia lantir nan a vuina program (Lamka, Manipur lam a chhungte) video siam kan upload a ni.

UNAUPA SON HANGHAL CHANCHIN TAWI
Kamliana, President, Diakkawn Bial PYD

Han tarlan loh atan a uiawm em mai. Tualchhung leh Biala kan thawhpui, kan rawngbawlpui Unaupa Sona chanchin tawi (kohhrana a rawngbawlna bik) ka'n tarlang ve ang e, amah thlah nan.

Ka hriat theih china kohhrana nihna a lo chelh tawhte:-
1.Rengtekawn tualchhung:
PYD Secretary (2014, 15, 16)
PYD Vice President (2017-19)

2. Bial PYD (Kolasib bial):
Assistant Secretary (2015-17)

3. Bial PYD (Diakkawn bial):
Secretary (2017-19)
*Diakkawn bial PYD secrerary hmasa ber

Finance Secretary (2019-21)

Chanchinbu lamah:
Kum 2013-14 aṭanga 2017 thleng khan Kolasib Bial PYD chanchinbu GOSEN ah News Editor, Jt. Editor leh Editor hna chelhin,Gosen editor bik hi a zawnin term 3 a chelh a ni.

Tin, Diakkawn bial leh Venglai bial PYD kan inṭhen dawn khan hriat rengna Souvenir buatsaih niin a hmingah GOSEN vuah a ni a, hetah hian Souvenir Organising Board Secretary a ni nghe nghe.

*Kolasib Diakkawn Bial PYD chanchinbu SINAI ah term khat 2019-20 khan Jt. Editor hna a chelh bawk.

MEDIA Incharge:
Diakkawn bial Media incharge hna hi kum 2018 chho aṭangin a thih ni thlengin a chelh a, media lam leh chanchinbu lamah a thawh hlawk hle a ni. Kan bial tan chânna nasa tak a ni e. Langsâr lo lama mi ṭangkai tak, a sur a sa sawi lo a, zan rei sawi loa chanchinbu siam tura ke tea kal ngat2 ṭhin a lo ni bawk a, tlin lohna tam tak nei mah se, mahni nihna leh chanvo ngai pawimawh mi, tihlawhtling ṭhin mi a ni a.

He leiah a hmel hmu tawh loin, kan zingah awm tawh lo mah se, keini a thawhpui, a ṭhiante chuan eng tikah mah kan theihnghilh tawh ngai dawn lo a ni.

Son, Mangṭha le!