Скачать или смотреть САИДАЗИЗ САЙДАЛИЕВ ВА БОШҚАЛАРГА НИСБАТАН ҲУКМ ЎЗГАРМАДИ.(Тўлиқ видео тез кунда)

АДВАКАТ: АБДУМАЛИК АБДУЛЛАЕВ

“Саидазиз медгородок” иши

Мазкур жиноят иши бўйича биринчи инстанция суди ҳукмининг қонунийлиги, асослилиги ва адолатлилиги апелляция тартибида текширилиши жараёнида Ғофуржон Ўринбоевнинг ҳуқуқлари ва қонуний манфаатларини ҳимоя қилишда қатнашдик.

Очиғини айтганда, иш апелляцияда гўёки, шунчаки расмиятчилик учунгина кўрилгандек туюлди.

Бундай туюлишига ўзига яраша асосларимиз бор.

Биринчидан, Ғ.Ўринбоевнинг ҳимояланиш ҳуқуқи бузилди.

Иккинчидан, унга илгари сурилган ҳар бир айблов эпизоди бўйича унинг ўзининг изоҳлари тўлиқ эшитилмади.

Учинчидан, дастлабки ва суд терговида сўроқ қилинмаган 10 га яқин гувоҳларни сўроқ қилиш, иш бўйича Ғ.Ўринбоевдан ашёвий далиллар сифатида олинган телефон аппаратларини кўздан кечириш ва яна бошқа бир қатор тергов ҳаракатларини ўтказишга оид илтимосномаларимиз ҳеч бир асоссиз рад этилди. Табиий-ки, рад этилиши сабаблари ёпиқ эшиклар ортида мавҳумлигича қолиб кетди.

Музокара давомида муқаддам текширилмаган, лекин ишга алоқадор далилларни келтириб, суд терговини янгидан бошлаш тўғрисида киритган илтимосномамиз ҳам негадир, ҳатто муҳокамага қўйишни ҳам лозим топилмади. Бу билан ЖПКнинг 452-моддаси талаби қўпол равишда бузилди.

Хулосамиз шу-ки, дастлабки тергов органи ҳам, суд ҳам зиммасига юклатилган вазифани тўғри бажармади.

Хуллас, уқилиб, бу қилиб, ахири суд ҳукмини кучида қолдиришга эришишди.

Умумий қилиб айтганимизда, ушбу ишда инсон ҳуқуқларига оид халқаро ҳуқуқ, Ўзбекистон Республикаси Конституцияси ва Жиноят-процессуал кодекси нормалари очиқдан-очиқ ишламади.

@Advokat_Abdullayev