Bəlaya səbir,qəzaya təslim,nemətə şükür - Hacı Şahin - Əməli,hissi,zahiri,həqiqi şükür nə deməkdir?

🔔Daha çox moizələr dinləmək üçün abunə olun və bizi izləyin - https://bit.ly/2uR7dZv

✏️Bəlaya səbir,qəzaya təslim,nemətə şükür - Hacı Şahin - Əməli,hissi,zahiri,həqiqi şükür nə deməkdir?


Həzrət Peyğəmbər (s) buyurur: “Qiyamət günü carçı car çəkəcəkdir: “Şükür edənlər ayağa qalxsın”. Bir dəstə ayağa qalxacaqdır və onlar üçün bayraq asılacaqdır. Behiştə daxil olarlar”. Soruşurlar ki, bəs şükür edənlər kimlərdir? Həzrət (s) buyurur: “Onlar ki, Allaha hər halda və vəziyyətdə şükür edərlər”. (Erfan)

İmam Sadiq (ə) buyurur: “Tövratda yazılmışdır ki, sənə nemət verən hər kəsə təşəkkür et və sənə təşəkkür edənə nemət bəxş et. Belə ki, şükür etməklə nemət məhv olmaz, küfrlə nemət qalmaz. Şükür – nemətin artmaq və dəyişməkdən amanda qalmaq mənbəyidir”.

İmam Sadiq (ə) buyurur: “Allah bəndəsinə neməti inayət edər və o, ürəkdən onu tanıyar və dilində aşkar şəkildə Allaha şükür edərsə sözü bitən kimi Allah nemətin artmaq hökmünü verər”.

Həzrət Sadiq (ə) başqa yerdə buyurur: “Üç şey vardır ki, onların olması ilə insana heç bir şey ziyan vurmaz: giriftar olan zaman edilən dua, günah edən zaman bağışlanma istəmək, nemətin vaxtında şükür etmək”.

Əbul Həsən (ə) buyurur: “Hər kim Allaha nemətə görə həmd edər, Ona şükür etmiş olar və bəndənin həmdi dəyər baxımından o nemətdən daha üstündür”. Əllamə Məclisi bu hədisin şərhində buyurmuşdur: “Hər bir nemətə görə həmd etmək – ən üstün nemətdir. Başqa bir şükrü də istəyər ki, hər kəsin əlindən gəlməz”.

Səfvan Camal nəq edir ki, İmam Sadiq (ə) buyurub: “Allah bəndəsinə hər neməti verər, istər kiçik olsun, istərsə də böyük, bəndə deyərsə: “Əlhəmdulillah” – həmin nemətin şükrünü əda etmiş olar”.

Həmad ibn İsa nəql edir: “İmam Sadiq (ə) məsciddən bayıra çıxdı, o halda ki, miniyi itmişdi. Buyurdu: “Əgər Allah onu mənə qaytarsa, Ona layiq olan şəkildə şükür edəcəyəm”. Bir qədər keçməmiş miniyini gətirdilər. Həzrət (ə) buyurdu: “Əlhəmdulillah”. Soruşduq ki, bəs deməyiniz ki, Ona layiq olan şəkildə şükür edəcəyəm? Həzrət (ə) buyurdu: “Eşitmədiniz ki, dedim: Əlhəmdulillah””.

İmam Sadiq (ə) buyurur: “Nə zaman sizlərdən biriniz Allahın nemətini yada salsanız, Allaha şükür etmək üçün alnınızı torpağa qoyun, əgər minikdə olsanız yerə düşün, alnınızı torpağa qoyun, əgər şöhrətin qorxusundan düşə bilməzsəniz, alnınızı yəhərin dəstəyinə qoyun. Əgər bacarmasanız, ovucunuzun içinə qoyun və sonra Allaha bağışladığı nemətə görə şükür edin”.

Nəql edilir ki, Həzrət İsa (ə) bir kişinin yanından keçir ki, gözü kor olur, bədəni cüzama düçar olur və fələc olmaq üzrə idi, ancaq Allaha şükür edirdi və deyirdi: “Allaha şükürlər olsun ki, mənə əksər insanların düçar olduqları bəlalardan salamatlıq vermişdir”. Həzrət İsa (ə) ona buyurur: “Elə bir bəla qalmayıb ki, sənə çatmasın”. Xəstə kişi deyir: “Allah məni böyük bəla olan küfrdən salamat saxlamışdır”. Həzrət İsa (ə) onun bədəninə əl çəkir və Allah ona bütün xəstəliklərdən şəfa verir. Üzü gözəlləşir və Həzrət İsa (ə) ilə birlikdə Allaha ibadət edir.

İmam Baqir (ə) buyurur: “Bəndə üç şey arasında olar: bəla, qəza və nemət. Ona vacibdir ki, Allah tərəfindən olan bəlaya səbir etsin, Allah tərəfindən olan qəzaya təslim olsun, Allah tərəfindən olan nemətə şükür etsin”.

İmam Rza (ə) buyurur: “İnsanlar üç şeyi üç nəfərdən götürüblər: Səbri – Əyyubdan (ə), şükrü – Nuhdan (ə), həsədi – Yəqubun (ə) övladlarından”.


✅ Rəsmi İnstagram linkimiz: https://bit.ly/39BPBD0


✅ Kanala ABUNƏ ol: http://bit.ly/HaciShahin
✅ Rəsmi Veb-səhifəsi: http://www.hacishahin.az/
✅ Rəsmi Facebook səhifəsi:   / hacishahinha.  .
✅ Rəsmi Instagram səhifəsi:   / hacishahinh.  .
✅ Mənbə: YouTube Hacı Şahin Həsənli Abunə ol - https://bit.ly/2LnaLx0


✏️Dəyərli izləyicilər əgər videolar xoşunuza gəlsə bəyənin Kanala Abunə olun və şərhlərinizi əlavə edin.Dəstəyiniz üçün hər birinizə ayrı-ayrı minnətdaram

● Videoları paylaşmağa izin verdiyi üçün Hacı Şahinə təşəkkür edirəm.

✆Admin Whatsapp +994-070-878-72-62

✅ISLAM TV Official

🔔Abunə ol https://bit.ly/2uR7dZv