Əlisəmid Kür - Dilənçi şəhər

Şeir: Əlisəmid Kür - Dilənçi şəhər
Səsləndirmə: Əlisəmid Kür
Musiqi: Mızıkçı melodiler - Menekşenin aşkı

Biraddımla'ya YouTubeda abunə olmaq: https://bit.ly/3gsJpm1

Biraddımla'nın sosial şəbəkə ünvanları:
Instagram: https://bit.ly/3gsKkms
Facebook: https://bit.ly/3GoODKl
TikTok: https://bit.ly/3r3sAHt
Telegram: https://bit.ly/3unQMn8
E-poçt: [email protected]

ƏLİSƏMİD KÜR - DİLƏNÇİ ŞƏHƏR

Bütün dilənçiləri tanıyıram şəhərdə...
Sən ki dilənçi deyilsən, anam-bacım!
Səni bu günə salan var!

Utana-utana əl açmısan
Gözlərin yaşarıb sənin…
Uşaq kimi dil açmısan
Əllərin qısalıb sənin.

Bəxtinə yolçuluq düşən anam-bacım,
Üzünü gizlətmə belə…
Cibimdə sonuncu qəpiyim qalıb
Ağlaya-ağlaya verirəm sənə…
Sən Allah, özünü ağlatma belə.

Dərddən xəbərsizlər kefdə, damağda,
Yanından maşınla şütüyüb keçir.
Yayın bürküsündə cırhacırında,
Halına yananlar üşüyüb keçir…

Əl açmağa qalıb sənin əlacın,
Boynunu bükmüsən yolumun üstə.
Mən səndən kasıbam, ay anam-bacım,
Özüm can verirəm qolumun üstə…

Büten kənd dilənçi, şəhər dilənçi
Nəzir qutusudur nazir qapısı.
Üzlərdə, gözlərdə nə həya-abır,
Nə Allah qorxusu, bəndə qorxusu.

Dilənir küçələr başdan-ayağa
Azan səsilədə dilənir şəhər.
Yağış əvəzinə göydən pul yağa,
Yığıla küçədən bu dilənçilər.

Buradan haraya baş alıb qaçım?
Dilənçi əkilib hər qarışına.
Bir gün mən özüm də əlimi açıb
Tanrım, çıxacağam sənin qarşına.

Əlisəmid Kür:
“Mənə deyirlər sizi həmişə çılğın xarakterinizlə tanımışıq. Buna aid Nəriman Əbdülrəhmanlı mənim 60 illiyimdə yazmışdı. Adı belə idi yazının: “Dəliqanlılıqdan müdrikliyə”. Nəriman 30 ildir məni tanıyır, 6 il bir yerdə işləmişik. Mənim haqqımda yazılan ən gözəl yazılardan biri idi.
Çılğınlıq nəyə deyillir? Mən həmişə haqsızlığa qarşı etiraz edirəm, dözə bilmirəm. Nəsə bir haqsızlıq görəndə üstünə düşürəm. Məsələn, hərdən oğlumun profili ilə “Feysbuk”a baxıram. Orda görsəm ki, kimsə mənə aid pis nəsə yazıb, başlayacam o adamı axtarmağa. Yazıçıların 9-cu qurultayında Vaqif Səmədoğlunun adının qarşısında idarə heyətindən kimsə xətt çəkmişdi. Qurultay zamanı Vaqif Səmədoğlu əlinə mikrofonu alıb dedi, məni idarə heyətindən çıxardın, amma mənə maraqlıdır ki, mənim adımın üstündən xətt çəkən o bir nəfər kimdir? Mənim də belə pis xasiyyətim var. Kimsə mənə aid pis nəsə yazsa, desə, başlayacam o adamı axtarmağa. O dəfə oğlum Qorqud şeirimi səsləndirib, video kimi paylaşmışdı, 1800-dən çox adam bəyənmişdi, təkcə iki nəfər “bəyənməmək” işarəsi qoymuşdu. Birinin kim olduğunu təxmini bilirəm, mənə maraqlıdır ki, o ikinci adam kimdir də. Xoflu deyiləm e, amma sənin mənnən nə işin var axı?!
Bir dəfə şair dostlarım Aydın Uluxanlı və Mübariz Məsimoğlu ilə Xaçmaza getmişdik. Orada yol kənarında bir kafedə oturduq. Gördüm, ofisiantlar-filan, hamı məni görüb əl-ayağa düşdü. Sən demə, məni Aşıq Ədalətə oxşadıblarmış. Axırda gəlib özümüzdən soruşdular ki, bəs siz Aşıq Ədalətsiz? Dostlar dedi, yox, bu, Əlisəmid Kürdür. Ofisiantlardan biri tez o birinə dedi ki, görürsən, sənə deyirəm axı, bu Aşıq Ədalətdirsə sazı hanı?! Bax belə hadisələr çox olub. Qabriel Qarsiya Markesə də oxşadanlar olub. Markes çox sevdiyim yazıçılardandır”.
#əlisəmidkür #dilənçişəhər #elisemidkur #mızıkçımelodiler #menekşeninaşkı #şeir #şair #poeziya #ədəbiyyat #poetry #poems #poet #poem #music #musica #melody #art #yaradiciliq #sənət #sənətkar #biraddimla #biraddimlayol