Скачать или смотреть WANANCHI WAPATA HOFU YA AFYA ZAO JUU YA MLUNDIKANO WA MAGANDA YA KARANGA NA VUMBI LAKE.

Katavi: Wakazi wa mtaa wa Mpadeco kata ya Makanyagio manispaa ya Mpanda mkoania Katavi wamepatwa na hofu juu ya afya zao kutokana na mlundikano wa maganda ya karanga ambapo katika maeneo hayo kuna mashine nyingi za kubangua karanga.

Wamesema mashine hizo zipo karibu na makazi yao ambapo wakati zinabanguliwa vumbi nyingi huelekea katika makazi yao na kuhatarisha afya zao.

Baadhi ya wanunuzi na wamiliki wa mashine hizo wamesema licha ya kuamriwa na serikali kuhamisha maganda hayo lakini bado wanapata changamoto ya gari huku wakisisitiza kusaidiwa gari la manispaa ili wao wawe wanaweka mafuta ili zoezi la uondoaji wa maganda hayo uwe wa kila siku.

Mkurugenzi wa manispaa ya Mpanda Sophia Kumbuli amesema wahusika katika mashine hizo wanapaswa kuondoa maganda ya karanga hizo mara baada ya kubanguliwa ambapo amesisitiza kutii makubaliano yaliyofanyika katika vikao vilivyofanyika vya kuhakikisha mazingira na afya za wakazi wa maeneo hayo yanabaki safi na salama.

Aidha Kumbuli amesema yeyote anayeendelea kujaza na kulundika maganda ya karanga baada ya kubangukiwa sheria kali zitahusika juu yake.