Скачать или смотреть "မလေးရှားမှာ လက်​ဆောင်ပစ္စည်းဝယ်ဖို့ အကောင်းဆုံးနေရာ Central Market KL"

"မလေးရှားမှာ လက်​ဆောင်ပစ္စည်းဝယ်ဖို့ အကောင်းဆုံးနေရာ Central Market KL"
- - - - - - - 🇲🇾 🛍️ - - - - - - - -

🎁 မလေးရှား (Malaysia) လို့ ပြောလ်ုက်တာနဲ့ မျက်လုံးထဲပေါ်လာတတ်ကြတာက အမွှာမျှော်စင် (Petronas Twin Towers) တို့ ဂျလန်းအာလော (Jalan Alor) တို့ တရုတ်တန်း (Chinatown) တို့ပါပဲ။

🎁 ဒါပေမယ့် ဒီနေရာတွေ ဂျင်းဒိုင်တွေပါ။ ဂျင်းတွေကို လက်လီလက်ကားပေးတဲ့နေရာတွေပေါ့ဗျာ။ စျေးကြီးတယ်၊ စျေးဆစ်ရတယ်၊ ပစ္စည်းအရည်အသွေးကလည်းမှီတစ်ချက် မမှီတစ်ချက်၊ လူကြည့်ပြီး စျေးပြော၊ ပျော်ချင်လို့သွားမှ စိတ်ပါပျက်ရတဲ့ နေရာတစ်ချို့ပေါ့။

🎁 ကျနော်တို့ဟာ နိုင်ငံတစ်ခုကိုလည်ပတ်ပြီး အပြန်ကျရင် ကိုယ်ချစ်တဲ့ခင်တဲ့သူတွေ၊ မိဘ၊ ဆရာသမား၊ အမျိုး၊ ဘော်ဒါ၊ မိတ်ဆွေ၊ အိမ်နီးချင်းတွေအတွက် လက်ဆောင်ပစ္စည်းတွေဝယ်သွားလေ့ရှိတာ ဓလေ့တစ်ခုဖြစ်နေကြတာပါ။

🎁 ဒီတော့ လက်ကားစျေး၊ ဒိုင်စျေးလောက် မသက်သာပေမယ့် စျေးသင့်တယ်။ ပစ္စည်းအရည်အသွေးလည်းမဆိုးတဲ့ တစ်နေရာတည်းမှာ တော်တော်များများရနိုင်တဲ့ နေရာတစ်ခုကို သွားကြရအောင်ပါ။ ကဲ ဘယ်နေရာလဲ???

🎁 ဒီတစ်ခေါက်မှာတော့ BurmaRoo နဲ့ အတူတူ ပါတိတ်တွေ၊ ပန်းချီကား၊ သော့ချိတ်က စလို့ ငွေထည်ပစ္စည်းတွေ၊ ဒေသခံတွေရဲ့ အနုပညာလက်ရာတွေအထိရနိုင်တဲ့ မလေးရှားနိုင်ငံ၊ ကွာလာလမ်ပူမြို့က စန်ထရယ် မားကတ်(Central Market) ကို ခေါ်သွားပါရစေ။

🎁 စျေးဝယ်ဖို့တစ်ခုတည်း မဟုတ်ပါဘူးနော်။ စျေးရဲ့အပြင်ဖက်မှာရှိတဲ့ စျေးတန်းလေးမှာလည်း အစားအသောက်တွေမျိုးစုံ ဝင်တီးနိုင်သေးတာမို့ ဝယ်လိုက်၊စားလိုက်၊နားလိုက်နဲ့ တော်တော်လေးကို အဆင်ပြေတဲ့ နေရာတစ်ခုပါပဲ။

🎁 တစ်ခုရှိတာက ကိုယ့်ရဲ့ မဟေသီက စျေးဝယ်ကြမ်းတတ်ရင်တော့ ပိုက်ဆံများများသာထည့်သွားကြပါ။ လိုချင်စရာ ပိစိပွစိလေးတွေ တော်တော့်ကို များပါတယ်။ ကဲ ကျနော်တို့ မလေးရှားအမှတ်တရ လက်ဆောင်ပစ္စည်းတွေဝယ်ပြီး လက်ဆောင်တွေမျှော်နေမယ့် သူတွေကို စိတ်ကူးထဲ ခွဲတန်းချပေးရင်း အိမ်ကိုပျော်ပျော်ရွှင်ရွှင်ပြန်ကြရအောင်ပါ။

🚨 အခုကြည့်ရှု့တဲ့သူတွေထဲမှာ အစားအသောက်နဲ့ ခရီးသွားရတာ ဝါသနာပါသူတွေ၊ သဘာဝလွန်ဖြစ်ရပ်တွေကို စပ်စုချင်သူတွေ၊
စွန့်စားသွားလာတာကို ကြိုက်နှစ်သက်သူတွေပါခဲ့ရင် နောက်ထပ်လာမယ့် အမိုက်စား အကြမ်းစား အသစ်အသစ်တွေအတွက် လက်လွတ်မခံပဲကြည့်ရှု့ရအောင် ကျနော်တို့ Facebook page နဲ့ YouTube channel လေးကို Like, Follow နဲ့ Subscribe လုပ်ခဲ့ကြဖို့ မမေ့နဲ့ဦးနော်။

#BurmaRoo #Malaysia #KL #CentralMarket
#VisitKualaLumpur #TravelKL #TravelAsia
#SouthEastAsiaTrip #BatikArt #LocalVibe #WanderlustAsia #ArtAndCulture
#CityAdventure #StreetMarketVibe #MemoryMaker #Souvenir #ColonialDesign