བཀའ་དྲིན་དྲན་གླུ། HAPPY 87th BIRTHDAY TO HIS HOLINESS THE 14th DALAI LAMA

On the auspicious occasion of the 87th birthday of His Holiness the 14th Dalai Lama, the Tibetan Institute Of Performing arts offers a birthday song titled “Kadin denlu”. May you live eons of years!

བཀའ་དྲིན་དྲན་གླུ།

གངས་ལྗོངས་འགྲོ་བའི་ལྷ་སྐལ། །
འཇིག་རྟེན་ཞི་བདེའི་དེད་དཔོན། །
༸རྒྱལ་བསྟན་ཡོངས་ཀྱི་མངའ་བདག། །
༸གོང་ས་བསྟན་འཛིན་རྒྱ་མཚོ། །

བྱིན་རླབས་སྩོལ་བའི་བླ་མ། །
ལུགས་གཉིས་སྟོན་པའི་སློབ་དཔོན། །
འདུན་ལམ་སྦྱིན་པའི་ཕ་མ། །
བྱམས་བརྩེས་སྐྱོང་བའི་མཆེད་གྲོགས། །

ཁྱེད་ཀྱི་ཐུགས་རྗེ་ཁོ་ནས། །
ཁམས་གསུམ་འགྲོ་བ་སྤྱི་དང། །
ཡང་སྒོས་ན་གཞོན་མི་རབས། །
རེ་བའི་གཏད་སོ་རྙེད་སོང། །



༸སྐྱབས་མགོན་ཕྱག་པདྨོའི། །
སྐུ་ཡི་འཁྲུངས་སྐར་ཉིན་མོར། །
དགའ་དད་སྤྲོ་གསུམ་ངང་ནས། །
བསྟོད་པའི་གླུ་དབྱངས་འབུལ་ལོ། །

ཐུག་མིན་བོད་ཀྱི་རིག་གཞུང། །
གླུ་གཞས་བྲོ་ཡི་ང་རོ། །
འབུད་རྡུང་དཀྲོལ་བའི་རོལ་མོ། །
ཉམས་དགུའི་གར་གྱི་གོམ་སྟབས། །

ཡུལ་གྱི་གོམས་པའི་གནའ་སྲོལ། །
ཐམས་ཅད་ཉམས་པ་མེད་པར། །
འཛིན་སྐྱོང་སྤེལ་བའི་བྱ་བ། །
ཁྱེད་ཀྱི་དྲིན་ལས་གྲུབ་སོང། །

དེ་འདྲའི་བཀའ་དྲིན་ཕུང་པོ། །
གཞལ་བའི་ནུས་པ་དམན་ཡང། །
འཀའ་བཞིན་སྒྲུབ་པའི་མཆོད་པས། །
མཉེས་པའི་དམ་བཅའ་ཞུ་འོ། །

༸སྐྱབས་མགོན་ཕྱག་པདྨོའི། །
སྐུ་ཡི་འཁྲུངས་སྐར་ཉིན་མོར། །
དགའ་དད་སྤྲོ་གསུམ་ངང་ནས། །
བསྟོད་པའི་གླུ་དབྱངས་འབུལ་ལོ། །

TIPA Facebook page:   / tipa.dharams.  .
TIPA website:
TIPA Instagram:   / cfoxsdfaydv  
Tibetan Institute of Performing Arts (TIPA)