Gürcüstan Abxaziya və Cənubi Osetiyanı qaytarır?

Gürcüstan. 21-ci əsrdə Avropada ilk müharibə məhz bu ölkədə baş verib. 2008-ci ildə Rusiya ilə. Müstəqilliyindən bəri hakimiyyət dəyişikliyi də əsasən çevrilişlərlə olub. Zviad Qamsaxurdiya, Eduard Şevarnadze, Mixeil Saakaşvili. Hər üçünün kürsüdən getmə səbəbi müəyyən dərəcədə Abxaziya və Cənubi Osetiya ilə bağlıdır. Bu ərazilərlə bağlı gərginlik gürcü rəhbərlərin sonunu gətirib. Başqa sözlə ifadə etsək, onların sonu xarici təzyiqlərlə gəlib. Rusiya-Qərb qarşıdurmasının nəticəsində. İllər sonra gürcülər yenə bu qarşıdurmanın mərkəzindədirlər. “Xarici təsirin şəffaflığı haqqında” qanun əslində xarici təzyiqin şəffaflığını ortaya çıxarır. Yəni Gürcüstan keçmişdə olduğu kimi, bu dəfə də xarici təzyiqlərlə üz-üzədir. Qanun artıq qüvvəyə minir. Parlament prezidentin qanuna qoyduğu vetonu ləğv etdi. Baş nazir Kobaxidze inanır ki, bu, ölkənin Avropa İttifaqına üzvlük şərtlərini yaxşılaşdıracaq. Kobaxidzenin digər hədəfi işğalda olan torpaqları azad etməkdir. Bir müddət əvvəl iddialar var idi ki, Rusiya Abxaziya və Cənubi Osetiyanı Gürcüstana qaytarmağa hazırlaşır. Çünki gürcüləri öz təsirinə almaq istəyir. Kobaxidzenin dedikləri bu iddiları gücləndirirmi? Tbilisi Rusiyaya yaxınlaşacaqsa, Avropa İttifaqına necə üzv olacaq? Gürcüstanın daxilində ikitirəlikdir. Prezident Salome Zurabişvili Avropa kursunu zəruri sayır. Kobaxidze onu vətənə xəyanətdə ittiham edir. İndi Gürcüstan yol ayrıcındadır. Salome Zurabişvili bunu belə təsvir edir: Avropalı gələcək, yoxsa rus köləliyi?

Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet