Pasikuda | හිරු නැගෙන දේශය බලා ගිය ගමන

#Pasikuda

Discover the serene beauty of Pasikuda, one of Sri Lanka’s most stunning beaches! Known for its crystal-clear waters, golden sands, and calm waves, Pasikuda is a paradise for travelers seeking relaxation and adventure. Join us as we explore its breathtaking coastline, indulge in water sports, and experience the local culture. Whether you’re planning a vacation or simply dreaming of the perfect beach getaway, Pasikuda offers something for everyone!”

පාසිකුඩා

මහ මුහුදේ බියෙන් සැකෙන් තොරව නිදහසේ දිය නාන්නට, පවුලේ අය සමඟ හිතේ හැටියට විනෝද වන්නට නම් යා යුතු හොඳම මුහුදු තීරය මඩකලපුවේ පාසිකුඩා ලෙස හදුන්වා දීමට හැකිය. ඕනෑනම් මහ මුහුදේ කිලෝමීටරයක් පමණ කිසිදු අනතුරකින් තොරව ඇවිද යන්නට ද පුළුවනි. මෙය පුදුම එළවන සුළු දෙයක් විය හැකිය. එහෙත් එය සත්‍යයකි. මෙය එක් අතකට සොබාදහමේ අපූරු නිර්මාණයකි. මේ අපූරු අවස්ථාව උදාකර ගත හැක්කේ මඩකලපුව පාසිකුඩා වෙරළ තීරයට ගියහොත් පමණි.



කොළඹ සිට පොළොන්නරුවට ගොස්‌ එතැනින් මනම්පිටිය පාලම පැන වැලිකන්ද හරහා මඩකලපුව පාරේ වාලච්චේනට ගොස්‌ වාලච්චේන පොලිසිය ළඟින් වමට හැරී වඩුක්‌කොඩෙයි පසුකළ කල පාසිකුඩා මුහුදු තීරය දිස්‌වේ. නමුත් එය සුළු පටු දුරක්‌ නම් නොවේ. කි.මී. 300 කට එහා දුර ගමනකි. වතුරේ බැස විනෝදවන්නට හැකි නිසාම බොහෝ දෙනා මේ ප්‍රදේශයට ඇලුම් කරති. පාසිකුඩා සහ කල්කුඩා යනු ළඟ ළඟ පිහිටි මුහුදු බොකු දෙකකි. කොරල් පර වගේම කැස්‌බෑවනුත් මෙහිදී දැක ගත හැකි වීම විශේෂත්වයකි.

එක්තරා ආකාරයකට පාසිකුඩා වෙරළ තීරයේ සිට මහ මුහුදේ කිලෝමීටරයක් පමණ දුරක් දක්වා ස්වාභාවික දිය තටාකයක් ලෙසද හැඳින්විය හැකිය. එය සොබාදහමේ අපූරු තිළිණයකි. එනම් පාසිකුඩා මුහුදු බොක්කට මුහුණලා පිහිටි මුහුදු වෙරළේ සිට මහ මුහුදේ කිලෝමීටරයක් පමණ දුරින් පිහිටි ශක්තිමත් කොරල්පර වැටියකි. මේ කොරල් වැටිය නිසා මහ මුහුදේ සිට එන විශාල දිය රැළි පාසිකුඩා මුහුදු වෙරළට එන්නේ නැත. මේ නිසා සංචාරකයන්ට රිසි සේ මහ මුහුදේ විනෝද වන්නට හැකිය.



මේ ශක්තිමත් කොරල් වැටිය පාසිකුඩා මුහුදු වෙරළේ සිට බලන විට පෙනෙන නොපෙනෙන දුරින් පිහිටා ඇත. මේ නිසා පාසිකුඩා වෙරළ තීරය සංචාරකයන්ට අපූරු තෝතැන්නක් බව අමුතුවෙන් කිව යුතු නැත. එපමණක්ද නොව අපූරු රටා මවන කොරල්පරවලින් පාසිකුඩා මුහුදු තීරය පොහොසත් බැවින් කොරල්පර බලන්නට යන සංචාරකයින්ට ඒ සඳහා සියලු පහසුකම් ද ඒ ස්ථානයේම සපයා ඇත.



කොරල්පර නැරැඹීමට හැකි වීදුරු බෝට්ටු පාසිකුඩා වෙරළේ බහුලය. දේශීය සංචාරකයන්ට කිලෝමීටර තුනක් පමණ දුර ගෙවා ගොස් ඒ සීමාවේ ඇති සුන්දර කොරල්පර නැරැඹීමට වැය වන්නේ එක් පවුලකට රුපියල් 1500 ක් වැනි මුදලකි. විදේශීය සංචාරකයන්ගෙන් නම් ඊට වැඩි මුදලක් අය කෙරෙයි. කිමිදෙමින් කොරල්පර නැරඹීමට ද සංචාරකයින්ට මෙහිදී අවස්ථාව හිමි කර ගත හැක. යුරෝපීය හා ඇමරිකානු සංචාරකයන් හිරු එළිය විඳීමට තෝරා ගන්නා තවත් එක් වෙරළ තීරයක් වන පාසිකුඩා වසරේ සෑම දිනකම සංචාරකයන්ගෙන් පිරී පවතින ස්ථානයක් ලෙස ශ්‍රී ලංකාව තුළ ප්‍රධාන තැනක් ගනී.



Passikudah Beach එපමණක් නොව මුහුදු ක්‍රීඩා සඳහා ද මෙම වෙරළ තීරය ප්‍රසිද්ධියක් උසුලයි. Surf ක්‍රීඩා කරන කාන්තා පිරිමි විදෙස් සංචාරකයින්ට ද මෙය අපූරු වෙරළ තීරයකි. විශේෂයෙන් පුහුණුවන Surf ක්‍රීඩකයන්ට මෙහි වඩා ආරක්ෂිත හා විශාල නොවන මුහුදු රැල්ලේ සහය නිතැතින්ම හිමි වේ.



පාසිකුඩා වෙරළ තීරයේ ඉදි කර ඇති සුන්දර අවන්හල්, හෝටල් හා නිවාඩු නිකේතනයන් හි සංචාරකයන්ට රසවිඳිය හැකි දේශීය හා විදේශීය ආහාරපාන පිරී පවතියි. විශේෂයෙන්ම ඉස්සන් (Pronse), කකුළුවන් (Crabs), දැල්ලන් (Cuttle fish), බෙල්ලන් වර්ග (oysters) ඇතුළු මුහුදු ආහාර (Sea Food) දෙස් විදෙස් ක්‍රමවලින් හෝ සංචාරකයන් ඉල්ලන ඕනෑම ආකාරයකට සාදා දෙන්නට මෙම අවවන්හල්වල සූපවේදීන් සැදීපැහැදී සිටිති.


ඉන්දියන් සාගරයේ මුතු ඇටයේ පළමු අරුණැල්ල වෙරළ සිඹින තවත් එක් වෙරළ තීරයක් වන පාසිකුඩා දෙස් විදෙස් ආකර්ෂණය දිනාගත් සොබාදහමේ තවත් අපූර්වතම නිර්මාණයකි.



Best Related Hashtags:
#Pasikuda #PasikudahBeach #SriLankaBeaches #BeachGetaway #TravelSriLanka #BeachVibes #TropicalParadise #PasikudaSriLanka #ExploreSriLanka #SinhalaTravel #beautifulsrilanka