[ akha song ] aq kaq zaq

Aq kaq zaq

Wur xeq- ir ei ir .......... Ghawq xaq mir --a............
Wur xeq -ir ei ir .......... ghawq xaq nya-ei..................

Ar dee zaq nyiq tiq paq ar ca, tsaq law mir-a.
Ho ghov lawq loer tiq paeq ar yoeq ,tsaq law nya-ei.
Aq kaq tseir kaq ar dee tiq kaq ,tsaq law nya-ei.
Jeq ghoeq jeq jawr tiq ma baw zaq, tsaq nya.
Tsaq leir mir nya ,tsaq leir mir nya,tsaq leir tsaq.(tsaq leir mir nya , tsaq leir mir nya tsaq leir tsaq.)
Tsaq leir mir nya, tsaq leir mir nya,tsaq leir tsaq .(tsaq leir mir nya ,tsaq leir mir nya tsaq leir tsaq......)

Aq poeq smr mir or , aq dee aq kaq zaq-e aq poeq smr mir or , lavq ov lavq zar aq kaq zaq taevq ma ,tanq panq zaq zar aq ma mir nya manq pov zaq tseir ar lar tsaq nya jeq ghoeq jeq jawr tiq ma baw zaq. Tiq paeq ov nae paeq bir mr ,tiq khawv ov nae khawv bivq , poeq nae tiq dzanr ka tsov yavq haq taevq ma. Lavq nav dm cawq paer nav dm tsawr , ar dee tiq paq zaq taevq ma, har nger-e ar dee aq kaq zaq.
Aq poeq lawr jeq tavq aq poeq lawr kawv tavq ,lavq teev kanr pavq mr ghanr khovq tavq-e aq kaq ma, aq kaq zaq zmq --e tiq ghanr ,aq kaq gar mr-e tiq tseevq ,gee khanq nya khanq tiq lor di,
Gar tanr aq poeq hawq tanq teir ,khmq xeevq aq poeq gha uvq xavq ,yaer kuq aq poeq lavq ceq tsovq ma ,aq kaq ghanr khovq meeq tavq dzaeq ,aq poeq lawr-e lavq khaq caer , nee khanr xir nya aq kaq zaq. Heiq,,,
Gaq --e tsawr cawq ghoer-e yeevq nyir or , gee khanq nya khanq paq zaq maer nmr or , tiq ghaq khov pyaev gevq, tiq ghaq khov tovq gevq , nee noeq tiq gar gm, nee ma tiq siq tavq --a ,aq dee aq kaq tsawr myanr mq maq maq byov yar zir ,boq loq yaev ma poq-e lov-aer ,mir khanq anr bi poq maq-ei..

Tsaq leir mir nya ,tsaq leir mir nya,tsaq leir tsaq.(tsaq leir mir nya , tsaq leir mir nya tsaq leir tsaq.)
Tsaq leir mir nya, tsaq leir mir nya,tsaq leir tsaq .(tsaq leir mir nya ,tsaq leir mir nya tsaq leir tsaq.)

Mir ma tseir ganq ,sanq khav khawr jaev kaq mir jawr khawq ,eer cuvq tseir lawr lav xav xoeq mq kaq mir jawr khawq eir, tsawr naq gaq-e aq yeevq aq nyir tsaq law mir nya , eer laq yaw heeq ,lawr baq ngaq xaq dur nya. Tsawr puq lei ngae dawq ghoer tmr ,tsawr mawr lei ngae dawq gaq ngaeq , bya caev ni aq kaq dawq ja cawq lar .tsawr paq maq siq tsawr ca nar , sanq myanr maq siq khov levq pyavq , zaw lar nya ar dee aq kaq zaq.
Hu law aq poeq lawr ma aq maer daevq bae bae --e , ja dae lanr , aq kaq tsawr jeq daevq manr daevq heeq lar, gawq jawq danr tav pu dae tsov-awr nae , xaq zi zi zi-aer ,eer yanq yanq yanq-aer,yar saq-anr aq cir car car-aer heeq lar-e. aq kaq zaq maq gevq mawvq nae , aq kaq dawq maq jaq mawvq nae ,nee ma lavq khoer aq kaq zaq-e xiq yoer. Aq kaq gevq-e tmq lar mir nya, aq kaq ghanr zmq zivq ma,tiq zir maq par aq kaq zaq .

Heiq... Gaq --e tsawr cawq ghoer-e yeevq nyir or , gee khanq nya khanq paq zaq maer nmr or , paq zaq dawq caev dzoer ,maer nmr dawq cawq pu, coer ghovq tiq paw pyawr ,ghaq maq tiq tsanr xar, aq dee aq kaq tsawr myanr mq maq maq byov yar zir , nanr ma ba la tsaeq --e lovq-aer mir khanq ,bi tsaeq ma-ei...
Gaq --e tsawr cawq ghoer-e yeevq nyir or , gee khanq nya khanq paq zaq maer nmr or , tiq ghaq khov pyaev gevq, tiq ghaq khov tovq gevq , nee noeq tiq gar gm, nee ma tiq siq tavq --a , aq dee aq kaq tsawr myanr mq maq maq byov yar zir , nanr ma ba la tsaeq --e lovq-aer mir khanq ,bi tsaeq ma-ei... ei....

Wur xeq- ir ei ir .......... Ghawq xaq mir --a............
Wur xeq -ir ei ir .......... ghawq xaq nya-ei..................