Скачать или смотреть KAUNA-UNAHANG SUMMER CLINIC TUNGKOL SA WATER POLO SA NUEVA ECIJA, SINALIHAN | TV48 STATION

KAUNA-UNAHANG SUMMER CLINIC TUNGKOL SA WATER POLO SA NUEVA ECIJA, SINALIHAN NG ILANG KABATAAN SA LALAWIGAN

Naglunsad ang Team R.E.D. ng isang programa tungkol sa pagtuturo ng sport na water polo na kung saan ay ginanap sa Kristine Rica Resort, Peñaranda.

Ito ay sinalihan ng 30 na participants na may edad sampu hanggang bente-kwatro na galing sa iba’t ibang bahagi sa naturang lugar.

Ayon kay Matthew Royce Yu, isa sa mga coach ng naturang club at isa ring national team athlete, ang water polo ay isang laro sa tubig na ginagamitan ng kamay sa pag-shoot ng bola at paa para makagalaw sa tubig. Ito rin ay kombinasyon ng iba’t ibang sports kagaya ng soccer at basketball.

Ang summer clinic ay ginanap mula April 6, 7, at 13, 14 na pinangunahan ng mga former national players at coaches ng club na kagaya nina Krystal Dela Cruz, Roi Dela Cruz, Aldo Tong, Paolo Serrano, at Francis Serrano.

Itinuro nila ang mga basic swimming movements, survival skills sa tubig, at basic knowledge and movements na kailangan sa water polo.

Dagdag pa ni Yu, ang layunin ng summer clinic ay upang makapag hanap ng mga Kabataang galing sa grassroots na mayroong potential sa paglalaro ng water polo.

Ang adbokasiya naman ng grupo ay turuan ang mga kabataan sa naturang sport sa pamamagitan ng pag punta sa iba’t ibang probinsya sa Pilipinas para magsagawa ng summer clinic.

Sa kabilang banda, nagbigay din ng suporta ang may-ari ng resort sa isinagawang clinic ng Team R.E.D upang magturo sa mga kabataan tungkol sa water polo. Nananawagan naman ang naturang grupo sa mga kabataan na sumali at makilahok sa kanilang summer clinic learn to play water polo.

#balitangunangsigaw
#tv48station
#nuevaecija
#news