شيلة زواج الشاب ريان مرزوق الرزيقي اليزيدي كلمات عبدالرحمن حتيحت اليزيدي اداء المنشد عادل الشدادي

مرحبا ترحيب كل البشر توحي نباه
رحب شيخاً جو جميع القبايل في رضاه
مرحبا بسم ابو ريان ترحيب الغناه
مرحبا يامن لفى من قريب ومن بعيد
هذا ابو ريان لاجله لفت كل القبايل
شيخ عرف وله مكانه وقدر ومنزله

مرحبا بسم الرزيقي تراحيب المطر
في حلال الجود والمجد واحلال الفخر
والكرم والطيب والماقف اللي معتبر
مرحبا في محفل اجواد ما قفهم جويد
يلتقيك العود والطيب به صايل وجايل
والكرامة والدسم والدلال مهيله


مرحبا في محفلا ً دونه شيوخ وثقات
من رجال العرف والمعرفه والموجبات
مرحبا واعداد نوض البروق اللامعات
مرحبا في حفل ربعي رجال ابني يزيد
بني يزيد الفخر والعز سادات ودلايل
اسمنا ياكبر صيته وفعله ما اثقله

والي حمدان النشاما هل الحفل المُقام
درع ابو ريان وقت المعاند والزحام
صيتهم مشهور بالطايله شرقا وشام
من تعزوى بالي حمدان باليوم الشديد
يبشر بوقفه تجمل وتعدل كل مايل
وكل اطرفهم في علما ً ينومس وازهله

ان ذكرنا الحي منهم ومن مات ورحل
شروا ابو فيصل منير المراجل والبطل
وعوض ياحي طاريه من قول وفعل
وان عايض راعي الشور والعلم الاكيد
وعويد الشهم ونعم ووقفاته جزايل
ابو رازق طيب راسه وفعله جمله

يا رجال الرِزقه اهل المبادي والسلوم
الله يا كبر المواقف ويا كبر العزوم
ياعزاوينا نهار العزاوي واللزوم
فعلكم مشهود ماهو قليل ولا زهيد
مشتهر من يوم والوقت بارود وفتايل
حدكم محد قدر يالرزيقي ياصله

درع خالد بن قبيل ودرع الي حسن
ماحداً يجهل مواقيفكم وقت المحن
يا أهلّ النوماس والفكر والقول الحسن
انتم رواد المواقف هل الرأي السديد
وانتم اهل المجد والبوردة واهل الفعايل
مجدكم معروف ثابت ولا احداً يجهله

والتهاني لك ريان من جمع الحضور
الف مبروك وحياة السعادة والسرور
ياعريب الجد والخال يا وافي الشبور
فالك التوفيق والرزق والعمر المديد
ياحفيد رجال من صيتهم تشفى الغلايل
كلها انسابك وثيقة بعز ومرجله

جدك الاول بعيرص من اعز الرجال
جعل في جنة عدن له مراتيع وظلال
وجدك الثاني حسن والنعم لاجله تقال
ابن خيشان الكفو راعي الراس العنيد
ان طروا الشجعان طاريه من ضمن الاوايل
وان بدا صف المطاليق يبدي في اوله

وافتخر بخوالك اهل المبادي والشيم
داعي الي وقيت رمز الشجاعة والكرم
من طمع فيهم تردت حياته ماسلم
اهل قاله وافيه واهل تاريخاً مجيد
عزوتاً ضد المعادي وتلطم كل عايل
سعد من له في نسبهم مواثيق وصله

وان ابوك الشهم مرزوق حلال العقود
كم على يده رقا صاحب الحاجه سنود
تشهد افعاله وحنا في ارض الله شهود
عنده من الجاه والعز مخزون ورصيد
له مع اهل الخير والطيب وقفات وفعايل
لااعتزى مرزرق بالجاه فك المعضله

والفخر والعز في اعمامك اهل الوافيه
ابو تركي وقفته في اللوازم كافيه
وحُسين راعي الطيب والانصافيه
وغبيش الشهم إذا قال كلمه مايحيد
هم عيال الشايب اللي قنا كل الخصايل
ماقفل في وجه من جاه سدة منزله


والعنوه من قهيدي ويا نعم النسيب
بيت عز ودين واخلاق محمودة وطيب
من تهقوى فيه وقت الشدايد مايخيب
مطلقاً حاز المراجل ونظراته بعيد
ابو جابر له معاريف واسلوم وجمايل
صار للاخلاق والطيب مثل البوصله

تمت وصلوا على محمد الهادي الدليل
عد مالا حت بروق الحيا قدم المخيل
وعدد ماينبت الطلع في أغصان النخيل
والثنا والشكر يامن لفى لي أبناء يزيد
هذا ابو ريان لاجله لفت كل القبايل
شيخ عرف وله مكانه وقدر ومنزله