Скачать или смотреть Ven.Madakumbure Somananda Thero, 2018.09.29 - 10.00 මඩකුඹුරේ සෝමානන්ද ස්වාමීන්වහන්සේ THE BUDDHIST RA

2018 බිනර මස 29 දින (සෙනසුරාදා) පෙරවරු 10.00 ට පමණ බෞද්ධයා ගුවන්විදුලිය" ඔස්සේ විකාශනය කරන ලද ධර්මානුශාසනාව  පවත්වා වදාළේ; ගාල්ල, කොට්ටඹ, ශ්‍රී නාග ආරණ්‍ය සේනාසනාධිපති, රාජකීය පණ්ඩිත, අවසරයි, මඩකුඹුරේ සෝමානන්ද ස්වාමීන්වහන්සේ විසිනි.

තුන්ලෝකාග්‍රවූ, භාග්‍යවත් වූ, අර්හත් වූ, දස බලධාරී, සුගත තථාගත සම්මා සම්බුදු රජාණන් වහන්සේ විසින් දේශනා කර වදාළ, උතුම් ධර්මස්කන්ධයන් අතුරින්; සූත්‍ර පිටකයේ, ඛුද්දක නිකායේ, ධම්මපද පාළියේ, මග්ග වර්ගයේ එන "යෝගා වේ ජායති භූරි – අයෝගා භූරිසංඛයෝ, ඒතං ද්වේධා පථං ඤත්වා – භවාය විභවාය ච, තථත්තානං නිවේසෙය්‍ය – යථා භූරි පවඞ්ඪති." (ඇත්තෙන්ම සමථ – විදර්ශනා භාවනාවෙන් මයි ප‍්‍රඥාව වැඩෙන්නෙ. භාවනා නො කළොත්, ප‍්‍රඥාව විනාශ වෙනවා. ඒ නිසා දියුණුව පිණිසත්, පිරිහීම පිණිසත් පවතින ඔය මාර්ග දෙක තේරුම් ගන්ට ඕනෙ. ප‍්‍රඥාව වැඩෙන්නේ යම් මගකින් නම්, අන්න ඒ මාර්ගයේ තමයි ජීවිතය යොදවන්ට තියෙන්නෙ. ~ ජේතවනාරාමයේදී පෝඨිල තෙරුන් අරභයා වදාළ ගාථාවකි)... යනාදී වශයෙන් වූ ඒ උතුම් ගාථා රත්නය මාතෘකා කරගනිමින් පවත්වන ලද ඒ උතුම් ධර්මානුශාසනාව අසා ඒ අනුව සිත් මෙහෙයවමින් මෙලොවින් පරළොවට ගෙනයන මිණිමුතු රැස්කරගන්නට ධර්මයට සමීප (උපාසක) ඔබ අප්‍රමාදී වේවා!!! 

අපගේ වන්දනීය දේශකයාණන් වහන්සේටත්, ගුවන්විදුලි සංස්ථාවේ හා බාහිර වශයෙන් නන් අයුරින් දායකත්වය සැපයූ සැමටත්, පින් කැමති සියළුදෙනාටත් මේ උතුම් ධර්ම දානමය පින් අත්වේවා!!!

එසේම අපගේ මව්පියන්, සහෝදර සහෝදරියන්, ඤාති මිත්‍රාදීන්ටද, අනන්ත සසර පටන් මේ මොහොත දක්වා අප නමින් මිය පරලොව ගියා වූ සියළුම ඥාති-මිත්‍රාදීන්ද, ගුරු-දෙගුරුන්ද මේ පින් අනුමෝදම් වෙත්වා!!!

යමෙකු දුගතියක වෙත් නම් මෙ පින් බෙලෙන් සුගතිගාමී වෙත්වා!!! සුගතියක වෙත්නම් එහිදීම උතුම් වූ ධර්මාවබෝධය වේවා!!!

අවසන් වශයෙන්, ඔබ අප සියළු  දෙනාටම මේ උතුම් ගෞතම ශ්‍රී සම්බුද්ධ ශාසනයේදීම සසර කතරින් එතෙරවීමට  තෙරුවන්ගේ ආශීර්වාදයෙන් හැකියාව ලැබේවා!!!

"ශ්‍රී සද්ධර්මය නිතර අසන්න (සුනාථ), ඒ ඇසූ ශ්‍රී සද්ධර්මය හොඳින් සිත් හි දරාගන්න (ධාරේථ), එසේ සිත් හි දරාගත් ශ්‍රී සද්ධර්මයට අනුව හැසිරෙන්න (චරාථ - ධම්මේ). එසේ ශ්‍රී සද්ධර්මය නිතර ශ්‍රවණය කිරීම තුළින් කලින් නොඇසූ දේ අසන්නට ලැබේවි, ඇසූ දෙයක් නම් එය වඩාත් තහවුරු වේවි, සැකයක් තිබුණා නම් ඒ සැක දුරුවලා යාවි, වැරදි මත තිබුණා නම් ඒවා නිවැරදි කරගන්නට හැකි වේවි, සිතේ පැහැදීමක් ඇතිවීම තුළින් දෙලොවටම වැඩදායී ජීවිතයක් ගතකරන්නට ඉන් විශාල පිටුවහලක් ලැබේවි. ඔබටත්, පවුලේ සැමටත්, සමාජයටත්
, මුලු මහත් ලෝකයටත් ඉන් යහපතක්ම වේවි.

බුදුන් සරණ හැර අන් සරණක් නැත මා හට,
දහම් සරණ හැර අන් සරණක් නැත මා හට,
සඟුන් සරණ හැර අන් සරණක් නැත මා හට,
මෙතුන් සරණ හැර අන් සරණක් නැත මා හට.
සාදු! සාදු!! සාදු!!!

෴ ජයවීරගේ සමන්ත ෴  රුසියාවේ සිට ෴