Скачать или смотреть GOVINDA HARI GOVINDA / గోవింద హరిగోవింద / AAV SERIES 04 EP-342 / RAHUL VEDA /KS RAGHUNATH/ RAGESHREE

🌺🍃 ---------------- 🍃🌺

అన్నమయ్య అక్షరవేదం ..సంపుటి -- 342

( గోవింద హరిగోవింద గునిసియాడుదం బిటురారో .. )

🌺🍃 ---------------- 🍃🌺

ఓం నమో వేంకటేశాయ. 🙏
అన్నమయ్య అక్షర వేదం ..సంపుటి -- 342 కి శుభ స్వాగతం ..🙏

ప్రార్థన ః--🌹🙏

బేడలను గూడబెట్టుచు ,
నీడును వ్యర్థమ్ముసేయ నిదిసబబేనా ?
కూడుము హరిదాసులనిల ,
వీడకు హరిపాదసేవ , విజ్ఞత యిదియే !!

🌹🙏🌹

✍️ స్వీయపద్యము ( కందము )🙏

🌹🌹

( ప్రతీ బేడను రూపాయిని పలుమార్లు లెక్కించుకుంటూ , కూడబెట్టుటలోనే కాలము వెళ్ళదీయుట సబబైన పనియేనా ?🙏

సత్సంగములో ఉండి గోవిందా ! గోవిందా !! అని నోరు తెరిచి భజన చేసి , ఆ హరి పాద సేవ చేసుకొను బుద్ధి కలుగుటయే నిజమైన వివేకము . 🙏

అదియే ఈ సంసారమును దాటించగల మార్గము 🙏 )

🌹🌹

🌺🍃 ---------------- 🍃🌺

అన్నమాచార్యులవారు శ్రీమన్నారాయణుని మాయ బహు ఆశ్చర్యముగొలుపునదిగా భావించుచున్నారు ఈ కీర్తనలో .
ఆ మయకు అతీతులు , జీవాత్మలమైన మనమెవ్వరమూ కాజాలమని కూడా తేల్చి చెపుతున్నారు .🙏

మరి ఈ మాయ తొలగు మార్గములేదా అంటే ఉన్నది .
అది పరమాత్ముడే అనుగ్రహించి తొలగించాలి .🙏

ఎప్పుడు తొలగిస్తాడు ? నోరారా హరినామ సంకీర్తన చేయుచూ " గోవిందా " అని ఎలుగెత్తి పాడితే తప్పక ఆయనకు మమకారము మనపై కలుగును .🙏

ఒకసారి ఆతని దయకు పాత్రులమైతే , ఆతని దాసులమైన కారణము చేత మనని ఆ మాయ చేరదు . భగవత్సాన్నిధ్యమునే కోరుచున్నాము గావున .🙏

మరి ఆ చక్కటి సంకీర్తన అర్థము తెలుసుకుని పాడుకుందామా ! 🙏

🌺🍃 ---------------- 🍃🌺

🌹🌹

గోవిందా!! హరీ !! గోవిందా !!
అని చక్కగా నాట్యము చేస్తూ పాడుకుందాము రండి !🙏

ఎంతకాలమని కూడపెట్టుకుంటాము ఈ భౌతికమైన సంపదలను , సుఖములను ?🙏

ఎంతకాలమని భుజిస్తూ కూచుంటాము మన కోర్కెల ఫలములను ! 🙏

ఇలా వృధ చేసుకుంటూ పోతే మనమా ఆవలి తీరము చేరగలమా అసలు ?🙏

అయ్యో మనము ఈ మాయలోనే ఉంటున్నాము .బహు ఆశ్చర్యమైనది ఆ శ్రీ హరి మనపై పన్నిన మాయ .🙏

🌹🌹

ఈ కాలము అలా సదా సాగుతూనే ఉంటుంది . మనము చేసిన చేయుచున్న కర్మలకు అనుగుణముగా ఒక్కొక్కరికి ఒక్కొక్క విధముగా గోచరించును ఈ కాలము .🙏

మరి ఆ పరమాత్ముడున్నాడే ! అతడు సదా నిత్యాత్ముడు , సత్యాత్ముడు , ధర్మబద్ధుడు అతనికి ఇవేమీ అంటవు . అందరూ సమానమే అతని కృపకు .🙏

ఆ పరమాత్మకు ఈ కాలమునకూ ముఖ్యుడై యున్నది ఈ దేహమును మోయుచున్న జీవి .🙏

బహు వాత్సల్యముతో చుట్టుముట్టి యున్నది అంతటా ఈ శ్రీహరి మాయ !🙏

🌹🌹

మనము మునిగియున్న ఈ అజ్ఞానమునకు మూలకారణము మనకు కలిగే విపరీతమైన ఆశలు .🙏

అవి యెన్నడూ మనని సుజ్ఞానము వైపుకు మళ్లించవు .🙏

మరి జ్ఞాన సముపార్జనకు కారణమైనది ఏది ?
అదియే నిశ్చలత్వము , సమబుద్ధి ,స్థితప్రజ్ఞత . 🙏

మనసును ఏ అలజడి లేకుండగా ఉంచుకొనుటయే .🙏

అయితే ఈ హరి మాయ ఎటువంటిదంటే జ్ఞాన కాముకులైన వారు కూడా ఈ నిశ్చలత్వమును , ఆశల చపలత్వమునూ రెండిటినీ స్థిరముగా ఉంచుకొనలేరు .🙏

అట్టి జీజ్ఞాసులను కూడా ఆవహించి ఉండును ఈ శ్రీహరి మాయ . అది తొలగుట అంత తేలిక కాదు.🙏

🌹🌹

ఇక్కడ మంచి చెడ్దలకు , కష్టసుఖములకు , కలిమి లేములకూ ఇలా ఒకటేమిటి అన్నిటికీ మూలకారణమైనది ఈ సంసారములో మనము చేయుచున్న కర్మలే .🙏

వీటన్నిటికీ సాక్షిగా మనఎదుటనే నిలిచియున్నది ఈ ప్రకృతి , ప్రపంచమను రూపములో .
అయ్యో మరి ఈ హరి మాయ ఎట్లు తొలగును .🙏

శ్రీ వేంకటేశ్వరునికి నిజ దాసులైన వారిని అంటనే అంటదు ఈ హరిమాయ !🙏

అనగా ఇక్కడ అన్నమయ్య స్వామికి శరణాగతి చేయుట వలన ఆతనికి మనపై కృపకల్గి , ఆతడే ఆ మాయను తొలగించగలడు కానీ ,వేరే విధముగ ఇది సాధ్యపడదు అని తేల్చి చెపుతున్నారు .🙏

🌹🙏🌹

సదా గోవింద నామ స్మరణ చేద్దాము .మాయను తొలగింపమని ప్రార్ధిద్దాము ఆ మాయాధవునినే !!

🌹🙏🌹

ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !🙏

తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏
దోషములున్న...మన్నించమని విన్నపము... 🙏
( అన్నమయ్య అక్షర వేదం --- సంపుటి 342)

✍️ -- వేణుగోపాల్ యెల్లేపెద్ది 🙏

🌹🌹 సంకీర్తన 🌹🌹

॥పల్లవి॥

గోవింద హరిగోవింద గునిసి యాడుదం బిటురారో
ఆవటించి మనమెట్టు గడచెదము ఆశ్చరియంబిది హరిమాయా

॥చ1॥

కర్మానుగుణము కాలము
ధర్మానుగుణము దైవము
మర్మము రెంటికి మనుజుఁడు
అర్మిలిఁ బొదిగీ హరిమాయా

॥చ2॥

అజ్ఞానహేతువు లాసలు
విజ్ఞానహేతువు విరతొకటి
తజ్ఞులు రెంటిఁ దగిలిరి
జిజ్ఞాసుఁ గప్పెను శ్రీహరిమాయా

॥చ3॥

సకలకారణము సంసారము
ప్రకటకారణము ప్రపంచము
అకటా శ్రీవేంకటాద్రీశుదాసులు
వొకరిఁ దడవదువో హరిమాయా

🌹🙏🌹🙏🌹
#GOVINDAHARIGOVINDA #గోవిందహరిగోవింద #rahulveda #అన్నమయ్యకీర్తనలు #annamacharya #annamacharyakeerthanalu #annamayya #annamayyaaksharavedam #annamayyasongs #అన్నమయ్య #అన్నమాచార్య