Скачать или смотреть Jaji Kiongozi amezungumzia changamoto za Madalali wa Mahakama kwa Wananchi

Jaji Kiongozi wa Mahakama Kuu ya Tanzania, Ferdnand Wambali amesema Mahahakama imekuwa ikitupiwa lawama katika ukamataji mali kwa sababu Madalali wengi wa Mahakama hawana elimu ya kutosha kuhusu utekelezwaji wa amri hizo.

Kutokana na hali hiyo amemtaka kila mtu anayeomba kufanya kazi ya Udalali wa Mahakama kuwa na cheti cha umadhubuti katika kazi hiyo toka Chuo cha uongozi wa Mahakama ama Taasisi inayotambuliwa na kamati ya uteuzi.

Jaji Kiongozi ameyasema hayo leo waakati akifungua kongamano la wadau mbalimbali wa Mahakama wanaoratibu na kusimamia utekelezaji wa amri za Mahakama wakiwemo madalali.

Kongamano hilo limeratibiwa na Chuo cha uongozi wa Mahakama Lushoto kwa kushirikiana na Mahakama ya Tanzania lengo ni kujadili rasimu ya mtaala maalum wa kutolea mafunzo kwa watu wanaofanya shughuli za udalali na usambazaji wito na amri za mahakama.