Скачать или смотреть Mtaa wa Imbaseny, Jengo la kanisa na Mnara wa kengele vyazinduliwa rasmi na Ask.Elias Kitoi DME

ASKOFU WA KKKT DAYOSISI YA MERU ASK.ELIAS KITOI ASIFU MWAMKO WA WASHIRIKA AZINDUA RASMI MNARA WA KENGELE, JENGO LA KANISA NA MTAA WA IMBASENY

Askofu wa KKKT Dayosisi ya Meru Ask.Elias Kitoi Nasari amesema washarika wa dayosisi ya meru wamekuwa na mwamko mkubwa wa kuboresha miundombinu kwa kujenga na Kukarabati majengo ya Ibada ikiwa ni sambamba na kuzindua mitaa iliyopo sharikani kutokana ongezeko la washirika

Ameyasema hayo wakati akizindua Mtaa wa Mtaa wa Imbaseny unaotunzwa na usharika wa Imbaseny sambamba na uzinduzi wa mnara wa Kengele pamoja na Jengo la kuabudia la mtaa huo uliofanyika katika Mtaa wa Imbaseny Dayosisi ya Meru Mkoani Arusha

Amesema kuwa mwamko huo unachagizwa na kaulimbiu ya Dayosisi hiyo isemayo Kazi ya Mungu Mikono Yetu na kuwapongeza washarika kwa kazi nzuri iliyofanyika.

Aidha ametoa wito kwa jamii kuzitumia vizuri mvua zinazoendelea kunyesha kwa kupanda mazao mbalimbali na kuzingatia ushauri wa kitaalamu.

katibu wa Jengo Ernest Laizer amezitaja gharama zilizotumika katika ujenzi wa jengo hilo huku Mchungaji kiongozi wa KKKT usharika wa Imbaseny Mch.Goodluck Kweka akisema kupitia matendo hayo makuu yaliyotendeka Mungu anazidi kuinuliwa zaidi

Awali akihubiri katika Ibada hiyo mkuu wa Jimbo la Mashariki lililo sehemu ya KKKT Dayosisi ya Meru Mch.Anate Pallangyo amesema wakristo wanapaswa kuwa waaminifu na wawajibikaji katika nafasi yoyote waliyopo huku katibu mkuu wa Dayosisi ya meru Joseph kaaya akiwahimiza washarika kulitunza jengo hilo na mmoja wa washarika Sara Nanyaro akieleza furaha yake baada ya uzinduzi wa mtaa huo.