Скачать или смотреть MAWAWALA BA ANG KALIGTASAN?

SALVATION:
Lesson 10

MAWAWALA BA ANG KALIGTASAN?

4 NA DAPAT NATING TANDAAN:

1. HINDI, DAHIL ALAM NG DIYOS KUNG SINO ANG KARAPAT DAPAT BIGYAN.
● Alam ng Diyos ang totoo at hindi, alam niya kung sino talaga ang susunod sa kanya o hindi... Ang tunay na binigyan ng Diyos ng kaligtasan ay hindi na mapapahamak...

● Juan 3:16 "Sapagkat gayon na lamang ang pag-ibig ng Diyos sa sangkatauhan, kaya't ibinigay niya ang kanyang kaisa-isang Anak, upang ang sinumang sumampalataya sa kanya ay hindi mapahamak, kundi magkaroon ng buhay na walang hanggan.

2. OMNICIENCE ANG DIYOS, HINDI NIYA PAGSISISIHAN AT HINDI SIYA NAGKAKAMALI SA KANYANG PASYA.
● Hindi bigay bawi ang Diyos, kung nagkakasala ang kanyang mga anak, hindi ibig sabihin binawi na ang kaligtasan, didisiplinahin lang siya ng Diyos...(Heb. 12:6)

● Ang tunay na ligtas ay hindi na magpapatuloy sa pagkakasala (1 Juan 3:9), kundi magpapatuloy siya sa paglilingkod habang buhay... kaya sure si Lord sa kanyang pasya...

● Hindi puwedeng sabihin ng Diyos na kung alam ko lang na babalik ka sa dating buhay hindi na sana kita binigyan ng kaligtasan... lilitaw na hindi omnicience ang Diyos... Pero omnicience siya alam niya ang lahat ng patutunguhan ng tao.

3. SI JESUS NA MISMO ANG NAGSABI NA HINDI NA MAAGAW SA KAMAY NG ANAK AT NANG AMA..
Juan 10:28-29
[28]Binibigyan ko sila ng buhay na walang hanggan. Kailanma'y hindi sila mapapahamak at hindi sila maaagaw sa akin ninuman.
[29]Ang aking Ama na siyang nagbigay sa kanila sa akin ay lalong dakila sa lahat, at hindi sila maaagaw ninuman sa aking Ama.

● Masmaniniwala ako sa sinasabi ni Jesus kaysa mga nagsasabing mawawa daw ang kaligtasan...

4. ANG TUNAY NA NABIGYAN NG KALIGTASAN AY PRESERVE NA NG DIYOS.
● 2 Timoteo 4:18 "Ang Panginoon ang magliligtas sa akin sa lahat ng kasamaan at siya rin ang maghahatid sa akin nang ligtas sa kanyang kaharian sa langit. Purihin nawa siya magpakailanman! Amen.

● Ang tunay na ligtas ay kumikilos ang Diyos sa buhay niya na hindi siya mapunta sa kasamaan, at mamumuhay pa bilang makasalanan, bagkos nandiyan lagi ang pag ingat ng Diyos na ma preserve lagi sa matuwid na buhay...

● Filipos 1:6 "Natitiyak kong ang mabuting gawang pinasimulan sa inyo ng Diyos ay kanyang lulubusin hanggang sa araw ng pagbabalik ni Jesu-Cristo.

Conclusion:
Mga kapatid, huwag tayong mag duda sa kakayahan ng Diyos, kapag siya ay nagpasya, na ang taong tunay na sumampalataya sa kanya ay bibigyan niya ng kaligtasan, at sure siya dito, hindi na niya babawiin at hindi na wawalain, dahil iniingatan at penipreserve ng Diyos ang buhay ng tunay na ligtas na huwag mapunta sa kasamaan, kundi sa katuwiran... at magpapatuloy ito hanggang wakas...

Hebreo 10:39
[39]Ngunit hindi tayo kabilang sa mga tumatalikod at napapahamak; kundi sa mga sumasampalataya sa Diyos at naliligtas.