Скачать или смотреть شيلة زواج / رايد خالد الاسعدي | كلمات زايد بن صنداح | اداء فيصل المداريه

ياليلاً من يسامرك ما سامْرك مرتاح
نديمك على حطّة يدينك ، يحط ايديه

عسى ثلثك الي جاي عن ثلثك الي راح
ليا اقبل لـ وسع الصدر يعطيني التوجيه

لمحت البروق تلوح يالهاجس اللّماح
وأنا اعرف عيونك ويش تخطف ووش تخطيه

تغنيت من يوم ان برق القصيده لاح
مع الطاري الي يوم يطري لي أحييه

ياجراح .. لا تكثر وصاياك ياجراح
وعلمن .. توصّي فيه ما ابغا وصايا فيه

تقول الله الله فالقصيده يبو صنداح
واقول ازهل فوجهي هذا ماقفي وأحميه

ياجراح بلّغ رايد الاسعدي يرتاح
وش اللي على باله ولد روق ونسويه

على ساعة الشدّه .. قبل ساعة الافراح
ترانا على يمناه ف اللازم نباريه

رفيقً كسب من طيب مايفعل الامداح
عسى الله يسود وجه من فكّر يعاديه

يا رايد وأنا لو أتعب الفكر والمسباح
ضميري عشانك ماهو ادنى شطر يرضيه

انا فكري مجمّل مثل صوتي الصدّاح
على المنبر الي طيبه يطيب من داعيه

سلامي على من يلبس العز لبس وشاح
أخص بسلامي رايد الاسعدي وأعنيه

على جمرة الانساب طيب المجاني فاح
وعلى طاري الامجاد مجده من يناحيه

رفيقي وأعرفه مزبن الي تعنّا و صاح
لو الموت يشرا دون وجهه يبا يشريه

لا جاء الكايد الي يقتفيه ونعم ، نطّاح
يا سهل الصعاب ان جالها والله يقويه

حليمً على الاصحاب ويداري ونصّاح
وحريصً على تمديد مجداً على ماضيه

من يعرفه انّه طيّب الخلق والمزاح
ترى يعرف انه عله ف منحر معاديه

تبي طيحته سربة معادينه ، ولا طاح
رقا ، ياعسى ربي على نيته يعطيه

نقول ونعم حتّى وهو لـ ونعم مصلاح
لو تقول عمك رايد الاسعدي قال ايه

من اللابه الي مجدهم مايبا الايضاح
لهم طاري اليا مر يبهج صدر موحيه

يوم ان الليالي فج منحر وزرق ارماح
هذا اللي على خيل وهذا الي على رجليه

ما عالج وقايع سيفهم .. مشرط الجراح
يموت الخصيم ان كان ما الله بـ معافيه

أعد الصحيح الي حصل والقلوب صحاح
من الناتج لـ خوة من يجمّل مخاويه