Скачать или смотреть motor out road badly day 😢

ទី១- ដោះតាមការទូត? ខ្ញុំធ្លាប់បានសរសេរថា “កៅអីរបស់អនុទីន” ស្រួលមិនស្រួលនឹងបាក់ជើងមួយ ហើយពេលនេះ យើងដឹងច្បាស់ថា អនុទីនកំពុងដោះស្រាយការងារខាងក្នុង ខណៈដែលខ្លួនអាចនឹងទាញប្រជាប្រិយភាព ពីអ្នកជ្រុលនិយមស្ដេចថៃសិន ហើយចាំដោះជាមួយកម្ពុជាក្រោយ។ អនុទីន បានប្រកាសថា ខ្លួននឹងបង្កើតគណៈកម្មការមួយ ដើម្បីសិក្សាអំពីការរំលាយ MOU ឆ្នាំ២០០០ ដែលទំនងជានឹងរុញបញ្ហាឱ្យទៅក្រោយ យកការទូតបាំងមុខ ដើម្បីប្រើប្រាស់កម្លាំងបាយជាមួយនឹងកម្ពុជា? សំណួរសួរថា បើខ្លួនមានឆន្ទៈ ដោះស្រាយជម្លោះនេះតាមការទូតមែន តើទង្វើណាដែលបង្ហាញថា ខ្លួនបានបន្ធូរខ្សែ? ទាំងរឿងរំលាយ MOU ឆ្នាំ២០០០ មានអ្នកជំនាញច្បាប់អន្តរជាតិកម្ពុជា បានលើកឡើង មិនអាចទៅរួចទេ ទោះបីជាថៃបានបោះឆ្នោតប្រជាមតិជាតិខ្លួនក៏ដោយ ក៏ MOU ឆ្នាំ២០០០ នៅតែមានសុពលភាពដដែល ព្រោះលក្ខខណ្ឌរំលាយមិនគ្រប់គ្រាន់ ពិសេស គឺត្រូវការភាគីកម្ពុជា និងបានតម្កល់នៅ UN?

ទី២- ទាញរឿងទូត ទៅក្រោយ? មួយករណីទៀត! អាចទេ? ការដែលអនុទីនយក “ការរំលាយ MOU ឆ្នាំ២០០០” មកគំរាមកកម្ពុជា ជាថ្នូរឱ្យកម្ពុជា មិនដាក់ពាក្យបណ្ដឹងទៅ ICJ ហើយច្រានចោល អ្វីដែលកម្ពុជានឹងលើកយកទៅប្ដឹង ICJ ទាក់ទងនឹងតំបន់ព្រំដែន បូកទាំងប្រកាសថា “ប្រាសាទតាមាន់ តាក្របី ជារបស់ថៃជាដើម ដើម្បីទាញស្ថានការណ៍ទៅក្រោយ? បន្ទាប់មកប្រកាសថា “ខ្លួនត្រូវការចរចាជាមួយកម្ពុជា ទ្វេរភាគី ហើយសម្លុតកម្ពុជាថា ព្រមឬមិនព្រម?”។ ប្រសិនជាកម្ពុជាព្រម នោះខ្លួនបានចំណេញទូតមួយដំណើរធំ តែបើកម្ពុជាមិនព្រម អនុទីន នឹងអាចរុញស្ថានការណ៍ឱ្យកាន់តែក្ដៅ ពិសេសគឺបោះដៃទៅខាងទ័ពវិញ? របៀបដែលអនុទីន កំពុងតែសាកនេះគឺ “ទាញប្រយោជន៍ឱ្យបានច្រើនច្រកទាំងថៃគ្នាឯង និងខាងកម្ពុជា ហើយបើបានមួយណា យកមួយនេះ ដ្បិតខ្លួនមិនខាតអ្វីទាំងអស់ ហើយប្រសិនបានបានសម្រេច អនុទីន នឹងចំណេញ ដោយព្រួញ១ បាញ់បានសត្វ២? ទី១-គាត់នឹងក្លាយជាមនុស្សម្នាក់ ដែលអាចទាញផលចំណេញពីជម្លោះព្រំដែននេះ តាមរយៈការប្រើប្រាស់ “ក្បួនអ្នកមុនដោះតាមអ្នកមុន! អ្នកក្រោយដោះតាមអ្នកក្រោយ! ហើយអ្នកចងនិងអ្នកស្រាយ គឺជាខ្លួនឯងតែមួយ”។ ទី២-ក្នុងការំលាយ MOU ឆ្នាំ២០០០ មានមួយករណីទៀត គឺបានផលត្រង់ការប្រមូលធនធាន ពីព្រំដែនទឹក នៅតំបន់ត្រួតស៊ីគ្នា? បើអនុទីន ដើរតាមផ្លូវនេះ ខ្លួនអាច “ចំណេញ៣ច្រក” ប៉ុន្តែប្រហែលជាមិនអាចទៅរួច។ ភាពខ្លាំងរបស់កម្ពុជា គឺការប្រើប្រាស់ខ្សែទូត ដើម្បីចងការឈ្លានពានរបស់ថៃ ខណៈដែលថៃ “គំរាម” កម្ពុជា ឱ្យចរចាតែពីរនាក់បានហើយ ហើយជំហានបន្ទាប់ គឺពន្លឿនកិច្ចការទូត ពិសេស គឺជម្រុញក្រុម IOT និង AOT ដ្បិតល្បែងដែលអនុទីនលេងនេះ គឺប្រៀបបានដូចជា “ល្បិចទិញពេល” ឱ្យអន្តរជាតិឆាប់ភ្លេច និងបន្លប់កម្ពុជា មិនឱ្យនិយាយរឿង ភូមិជោគជ័យ អូរបីជាន់ និងពិសេសទ័ពដែលទាហានថៃបាន ចាប់ទៅខុសច្បាប់? ការរក្សាចំណងមិត្តភាពបន្ថែម គឺជារឿងសំខាន់ ខណៈដែលទ័ពកម្ពុជា ទំនងជាដើរតាមគ្នា គឺ “ទ័ពការពារ ទូតចេញក្បួន”។

ទី៣- បង្អាក់ដំណើរកម្ពុជា? ជារឿងធម្មតា! សង្រ្គាម១ទៅ ១មក ហើយបើសិន ជាអាចបង្អាក់ដំណើរនរណាបាន គេនឹងបង្អាក់ ដ្បិតភាពខ្លាំងរៀងៗខ្លួននឹងអាចសង្កត់ លើភាពខ្សោយរបស់ដៃគូរម្ខាងទៀត? ប៉ុន្តែប្រសិនជាក្បួនដែលអនុទីន លេងនេះ មិនជោគជ័យ អនុទីន នឹងអាចប្រឈមបាត់កៅអីខ្លួនឯងក្នុងដំណែងនាយករដ្ឋមន្រ្តីព្រោះសំឡេងដែលគាំទ្រខ្លួនក្លាយជានាយករដ្ឋមន្រ្តីពេលនេះ គឺបានមួយផ្នែកធំ ពីគណបក្ស ប្រជាជន។ តើល្បិចការទូតអនុទីន នឹងទៅបែបណាទៀត?

ទី៤៖ សាមគ្ដី ជាកូនសោ។ សង្រ្គាមមិនទាន់ចប់ សាមគ្ដីចំពោះមុខ គឺសំខាន់ណាស់។ សូមកុំឆាប់ភ្លេច ហើយសូមកុំចូលអន្ទាក់ធ្វើឱ្យឆាប់ភ្លេចរបស់សាសន៍ថៃ។ ពហិការមិនប្រើប្រាស់របស់ថៃ គឺជារឿងចំបាច់។ ពាក្យថា “សង្រ្គាម” គឺគ្មាននរណាចំណេញទេ តែការរក្សាជំហរច្បាំង ទាំងផ្នែកទ័ព ទូត និងសេដ្ឋកិច្ច ប្រាកដណាស់ គឺបានន័យថា “យើងមិនព្រមចុះចាញ់យករួចខ្លួនខណៈនេះ ហើយថ្ងៃក្រោយទៅ កូនចៅយើងវេទនាឡើយ” ដូច្នេះហើយ “សំឡេងតែ១ ក្នុងការដោះស្រាយបញ្ហាចំពោះមុខ គឺជារឿងសំខាន់”។ បញ្ហាចំពោះមុខ សាមគ្គី គឺជាកូនសោ។ គំនិតច្រើន យល់ឃើញច្រើន ល្អច្រើន តែគិតច្រើន យល់ច្រើន ត្រូវតែធ្វើឱ្យច្រើន។ ទស្សនៈ ខុង មិញថា មនុស្សគិតច្រើនមានផ្លូវច្រើន តែដាច់ខាត ជ្រើសរើសផ្លូវណា ដែលឈ្នះបានហើយ។ គប់មិត្ត បំបែកមិត្ត សង្រ្គាម សន្តិភាព? សាមគ្គីជាកូនសោ! មានភាគត…….