Sjoën Helje-Dörp

D'r stoong 'n hiel sjoen Raodhoes op de hook, de Moenik heet die foto's in 'n book
't Is jammer mer dae tied is d'r neet mier
'n Matrasfabriek wurd apotheek, 'n aojemenkeskroeg 'n discotheek
zoe geit det in oos Dörpke steeds mer wier
Allein de Pool behult ziene aoje glans, dae ademt nog de sfeer
In Dörp kriese nog steeds 'n good glaas beer

REFREIN
sjoën Helje-Dörp, met de Keup dao aan de horizon
en de Rieth, de Zankberg, Dekeshorst, de Meulestraot
sjoën Helje-Dörp, de tied springt slordig met dich um
toch blieft de Dörpergeist altied bestaon

Hej en dao wurd d´r hiel get verzauwd en veul hoeze op enne haup gedauwd
du zuus nou hiel veul vremde op de straot
As ich zeen wat d´r is weggegaon en al die dingen die d´r neet mier staon
dan maak ich mich toch zoe ontzettend kwaod
Mer elke aovend laup ich langs de Pool, woe ich dan get bedaar
Ich veul mich riek as ich nao ´t Kiosk dao staar

REFREIN

sjoën Helje-Dörp, wat is d´r neet allemaol weggegaon
en wie weinig is d´r vur in de plaats gekomen
Mer toch ´n paar sjoen dingen zien bewaard gebleven,
zodet we toch nog met trots kenne zeggen

REFREIN

toch zal ´t aoje noet hielemaol vergaon,

sjoën Helje-Dörp !!!