ოპოზიციის გეგმები

აზრთა სხვადასხვაობა მოჰყვა გუშინდელი კონსულტაციების შემდეგ ორბელიანების სასახლიდან გამოსული პოლიტიკური აქტორების განცხადებებს.
დარჩება თუ არა 29 დეკემბრის შემდეგ სალომე ზურაბიშვილი პრეზიდენტის ადმინისტრაციაში - ცალკეული ოპოზიციონერი ლიდერები პრეზიდენტს ფიზიკურ მხარდაჭერას სთავაზობენ და შენობაში დარჩენისთვის მზადყოფნას აცხადებენ. „ლელო - ძლიერი საქართველოს“ ერთ-ერთი ლიდერის, ანა დოლიძის ამ განცხადებას იზიარებს კოალიცია „ცვლილებებისთვის“ ლიდერი ნიკა გვარამია. ინიციატივას უკვე გაემიჯნა გიორგი გახარია. ორბელიანების სასახლის ფიზიკურად დაცვის წინადადებას არასერიოზულად მიიჩნევს მმართველი გუნდი, რომელიც მოსალოდნელ სისხლის სამართლებრივ პასუხისმგებლობაზე მიუთითებს.
როგორია თავად მოქმედი პრეზიდენტის გეგმა - სალომე ზურაბიშვილს არაერთხელ აქვს ნათქვამი, რომ ახალ პარლამენტს და მის მიერ არჩეულ ახალ პრეზიდენტს არალეგიტიმურად მიიჩნევს და არსად წასვლას აპირებს, თუმცა ჯერ არ დაკონკრეტებულა, იგულისხმება თუ არა ამ განცხადებაში პრეზიდენტის ადმინისტრაციიდან არ გასვლაც.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.