Скачать или смотреть جو اندھے راستے سے پلٹ آئے، وہ عام انسان نہیں رہتا۔

رشتوں کے سامنے انسان کتنا مجبور ہو سکتا ہے، خاص طور پر جب وہ کسی انجان اور اندھے راستے سے پلٹ آئے—ایسے راستے سے جس کی کوئی منزل نہ ہو۔
وہاں سے واپس آنے والا انسان عام لوگوں سے مختلف ہوتا ہے؛ بہتر ہوتا ہے، کیونکہ وہ زندگی اور موت کو بہت قریب سے دیکھ چکا ہوتا ہے۔ اسی لیے اس کا وژن الگ ہوتا ہے۔ وہ پلٹ کر صرف “جی” کہتا ہے، طنز پر بھی مسکرا کر جواب دیتا ہے: جیسے آپ کا حکم۔

جس نے ساری زندگی آنکھوں میں آنکھیں ڈال کر بات کی تھی، آج سے دو دن پہلے جب میں اس سے ملا تو گفتگو کے دوران اس کی زبان سے کچھ ایسا سلیپ ہو گیا کہ مجھے کہنا پڑا:
یار جعفر، یہ تم نے کیا کیا؟ مجھے بتایا کیوں نہیں؟

پھر میں اٹھا، اور جعفر—جس نے اپنی بیوی کو موت کے وقت زبان دی تھی کہ اب غلط راستوں پر نہیں جائے گا—نے وہ وعدہ نبھا دیا۔ وہ اپنے بچوں کے لیے ماں بھی بن گیا اور باپ بھی۔

میں نے شدید غصے میں صرف اتنا کہا اور فیصل مستری کو آواز دی:
فیتہ لاؤ، دوسرے کمرے کی بنیاد کی پیمائش کرنی ہے۔

تب جعفر کے چہرے پر رنگ آتا جاتا رہا۔
واپس جاتے ہوئے، جب میں گاڑی میں بیٹھنے لگا، تو اس نے کہا:
مہر، اتنا بھائی مت بن کہ میں اپنا آپ تیرے سامنے ہار جاؤں۔

یہ ویڈیو دیکھیں۔ اگر کچھ سمجھ آئے تو کمنٹس میں ضرور لکھیں۔
میری طبیعت ابھی اچانک سردی لگنے کی وجہ سے ٹھیک نہیں، ان شاء اللہ صبح تفصیل لکھوں گا۔