Lalparzo Sanate// "U, Kan ngai che" In loving memory of (L)Pastor.Elson J.Thiek

U, KAN NGAI CHE


In loving memory of, (L) Pastor.Elson J.Ṭhiek
Singer: Lalparzo Sanate
Compose by:Lalneihlim zate
Dated 23Sept 2020
Music & Recording: Green Studio
Video Sponsor by: Gibeon Media

1.Suilung muongte'n lungdamte a ei lêng laiin,
Ei rûn sungah fam thlipui hung hrangin;
Lunglai a ṭhawng hril kan haiin kan tuor thiem nawh,
Kan zân tawnmang chang sien kan va nuom ngei aw.

Aw kan ngai che,Û kan ngai em che!
I famchang hi lunglai ana ngei el,
I chûn le zuo i û le nau ha'n;
Ṭapin kan ko ruoi che dawntu um si lo.

2.Sûngkimtea tudang ngai lova ei lenglai,
Hun le ni hai lungruka hei dâwnin;
Umkhuo a sâwt ei sûlhnunghai hei sui kirin,
Luoithli kan nûl nawk hlak ie nang ngai leiin.

3.Lal rama i rawngbawlna i hlimthla thlirin,
Sîngmit luoithli dang zo ruol an naw ie;
I sûlhnunghai kan ta ding chun luoithli nulna,
Ṭaplai kan bâng thei nawh aw kan ngai em che!

4. I fam changdan hei ngaituo in lairil a fang,
Hliempui tuora thisen luong zawi zawiin;
Mihai tadi'n damna rûnpui lo ni hlak khawm,
Nang i ta ding chun aw damna chang silo.

5.Hi hnuoi hi ṭawngse phur ram a ni leiin maw,
Inngai mana inchel thei ei ni nawh;
In ṭhenawna Lalpa buotsai ram inhawiah,
Vân khawmpui mawiah mi lo hmuok el raw aw.