Скачать или смотреть Pianthar Le Pianthar Lo Tahfung - Rev. Hoi Cung Tum

Pianthar hnu ah hin sual tuah khawh a si. Sual ah tluk khawh a si. Piangthar titsa mi zong um a si. Asinain sual peng phung a si lo. Sual ah i nuamh khawh a si tilo. Kan chung ah Pathian Thlarau a um cang caah. Hmawm tawn mi thil hmawm peng khawh a si tilo. Din tawnmi zu, wine, beer ritnak din duh peng khawh a si tilo. Zia chiat tawnmi chiat peng phung khawh a si tilo. Sualnak piangthar lo nih an tuah tawnmi tuah peng phung khawh a si tilo. A dingfel lomi kha an dinfel deuh awk hrimhrim a si. Nun hlun le nun thar a um hrimhrim. Nun dawh lo tuanbia hlun kha tuanbia thar nih a khuh cang. Cucaah ka piangthar ko nain sualnak ka tuah tawnmi cu ka ngol kho bak lo ti cu kan rak pianthar taktak lo bia tu a si. Mi zei hmanh Khrih he an i ton ahcun nun ning tuanbia hlun kha a lo i, nun ning thar kha a ngei zungzal. Mah cucu midang nih rak tah len hau loin kanmah tein kan i zoh ahcun kan fian kho ko lai. A piangthar mi paohpaoh nih an piantharnak tette khaan awk an ngeih awk hrimhrim a si.