Скачать или смотреть កងទ័ពអ៊ុយក្រែន បើកការវាយឆ្មក់រយៈពេល៣យប់ លួចយករថក្រោះទំនើ់បរុស្ស៊ី

នៅដើមខែមេសា ទាហានរុស្ស៊ីមួយក្រុមបានវាយប្រហារទីតាំងដែលកាន់កាប់ដោយកងពលតូច Azov ទី 12 របស់អ៊ុយក្រែន នៅជិតតំបន់ Terny ភាគខាងលិចនៃ Kreminna និងភាគខាងកើតនៃប្រទេសអ៊ុយក្រែន។
ដូចធម្មតា ការវាយប្រហារ គឺមិនដំណើរការល្អសម្រាប់កងទ័ពរុស្ស៊ីនោះទេ។ ពួកគេបានប្រឈមនឹងការផ្ទុះគ្រាប់មីន និងការយាយីឥតឈប់ឈរពីយន្តហោះគ្មានមនុស្សបើករបស់អ៊ុយក្រែន។ នៅទីបំផុត ទាហានរុស្ស៊ីដែលនៅរស់រានមានជីវិតបានបោះបង់ចោលយានជំនិះរបស់ពួកគេ ហើយដកថយត្រឡប់ទៅទឹកដី ដែលខ្លួនកាន់កាប់វិញ ដែលមានចម្ងាយតែពីរបីរយម៉ែត្រទៅខាងកើតប៉ុណ្ណោះ។
អ្វីដែលពិសេសនោះ គឺកងទ័ពរុស្ស៊ីបានបន្សល់ទុកនូវរថក្រោះ T-72B3M ដែលស្ទើរតែនៅដដែលនិងថ្មីស្រឡាង ជាមួយនឹងឧបករណ៍វិទ្យុប្រឆាំងដ្រូនដ៏ទំនើប និងមានប្រសិទ្ធភាពបំផុត ដែលត្រូវបានឃើញនៅក្នុងជម្លោះដែលកំពុងបន្តរបស់រុស្ស៊ីជាមួយអ៊ុយក្រែន។
បន្ទាប់មក កងពលតូច Azov ទី 12 បានបំពេញបេសកកម្មដ៏អង់អាចមួយក្នុងរយៈពេល 3 យប់ ដើម្បីត្រួតពិនិត្យ ជួសជុល និងយករថក្រោះទម្ងន់ 51 តោននេះមកពិសោធន៍។ ពីរខែក្រោយមក T-72 ដែលមានអាយុពីរឆ្នាំ គឺត្រូវបានត្រួតពិនិត្យយ៉ាងម៉ត់ចត់ តួរខ្លួនរបស់វាត្រូវបានរើចេញ និងជួសជុល ហើយលាបពណ៌ឡើងវិញជាមួយនឹងសញ្ញាសម្គាល់របស់កងពលតូច Azov ទី 12 និងបានបញ្ជូនចូលទៅក្នុងកងវរសេនាតូចរថក្រោះនៅក្នុងសមូរភូមិ។