Ayaq baş barmağı çıxıntısını 5 ASAN ÜSULLA SAĞALDIN

#demədidemə #podaqra #ayaq
Ayaq baş barmağında əyrilik... Bu gün əksər qadının yaşadığı problemlərdən biridir. Çox vaxt podaqra ilə bu səhv salınıb, yalnış müalicələr aparılır. Əslində isə bu problemin çox asan təyin edilmə və müalicə üsulları var. Bu gün elə məhz həmin təbii müalicə yollarından danışacam.
Gəlin ilk növbədə elmi adı “halluks varqus” olan ayaq baş barmağındakı deformasiya ilə podaqra arasındakı fərqə aydınlıq gətirək. Əslində hər iki xəstəlik görünüş olaraq bir-birinə çox bənzəyir. Lakin xırda detallara fikir versəniz, ayağınızdakı şişin nə olduğu özünüz də biləcəksiniz.
Hər iki xəstəliyin gözlə görünən əlaməti baş barmağın yanındakı çıxıntıdır. Ayağında bu problemi olanlar yaxşı bilir. Çox ağrıdır və insana diskamfort hissi verir. Podaqra xəstəliyində ayaqdakı əyrilik və ağrı ilə yanaşı, qızarıqlıq olur. Halluks varqus zamanı problem sümükdə olur. Yəni, ayağın üst dəri hissəsində iltihab, qızartı olmur.
Halluks varqusun qadınlarda daha çox olma səbəbi geyilən dar və hündürdaban ayaqqabılardır. Lakin problem təkcə ayaqqabı deyil. Fiziki aktiv olan qadınlarda da bu problem çox görülür. Podaqra ilə fərqi ondadır ki, podaqra ağrıları oturaq olan zamanlarda da tutur, lakin Halluks varqusda fiziki aktivliyə uyğun olaraq ağrılar artıb, azala bilir.
Podaqra xəstəliyi revmatoloji bir problemdir. Onun həkim tərəfindən təyini qan analizi ilə müəyyən edilir. Qanda sidik turşusu çoxdursa, diaqnoz podaqra olur. Halluks varqusda isə rentgen şəkli xəstəlik təyin edilir.
Ayağınızda Halluks varqus varsa, düzgün olmayan ayaqqabılar onun böyüməsi riskini daha da artırır. Elə ayaqqabı seçməlisiniz ki, ayaq barmaqlarınız bir-birinin üstünə bükülməsin; yan-yana dursunlar və ayaqqabının içində rahat olsunlar. Elə olmalıdır ki, ayaqqabının içində barmaqların hərəkət etməsi üçün boşluq olsun. Xüsusilə, qadınlar hündürdaban geyinərkən müxtəlif problemlərlə qarşılaşma ehtimalı artır. Bu halda orqanizmin bütün ağırlığı ayaq barmaqlarına düşür və barmaqlar bir yerdə dəstələnir. Beləcə, ayaq barmaqları qımıldaya bilmir. Bir-birinə sıxılmış barmaqlar insanın malik olduğu çəki tərəfindən təzyiqə məruz qalır. Çalışın ki, ayaqqabınızın hündürlüyü 5 sm-dən çox olmasın. Bir də, ucu enli ayaqqabılar geyinin ki, baş barmağınız əyilməsin.
Artıq çəkinin ayaqlarımıza təsiri. İnsanın bədəninin ağırlığının böyük qismini baş barmağın ortasındakı bir oynaq daşıyır. Çəki artdıqca ayağınızdakı şişlər daha çox təzyiqə məruz qalır. Ağrıların çoxalması bir yana, baş barmağınızın düzlüyü xətrinə sağlam pəhrizə başlamağa dəyər. Məsələn;
-bol şəkərli qidalar;
-doymuş yağa malik qidalar;
-rafinə edilmiş karbohidratlar;
İndi sizə bu ayağınızdakı əyriliyi aradan qaldırmağa kömək edən idman hərəkətlərindən danışacam. Əsas məsələ idman hərəkətlərini asta-asta, ehtiyatla yerinə yetirməkdir. 10 dəqiqədən çox vaxt sərf etmədən hər gün etməyə çalışın:
1 nömrəli barmaq idmanı. Ayağınızı yerə bərk basın və yalnız ayaq barmaqlarınızı yuxarı qaldırmağa çalışın. İlk vaxtlar çətin gələ bilər, lakin zamanla öyrəşəcəksiniz. Baş barmağınızı aşağı endirin və digər barmaqlarınız hələ havada ikən baş barmağın yerə dəyməsinə nail olun. Burdakı əsas nöqtə barmaqlarınızı yerə dəydirmədən əvvəl irəliyə doğru uzatmaqdır.
2 nömrəli barmaq idmanı. Yerə qum dənəsi, düymə kimi kiçik nəsnələr qoyun. Onları ayaq barmaqlarınız vasitəsilə götürməyə çalışın. Çətin olsa, dəsmal, kağız kimi daha yüngül və daha böyük əşyaları sınaqdan çıxarmaqla başlamaq olar.
Digər bir ayaq idmanı. Ayağınızı yerə bərk basın. Sonra pəncənizi qaldırın və endirin. Ardınca dabanınızı qaldırın və endirin. Proseduru ardıcıl olaraq, ən azı, 5 dəfə təkrarlıayın. Sonra dabanınızı bacardıqca daha yüksəyə qaldırın. Bu zaman baldır əzələlərinizin gərildiyini hiss etməlisiniz. Prosedur 5 dəfə təkrarlanmalıdır. Ayaqlarınızda və ya ayaq barmaqlarınızda gərginlik hiss etdiyinizdə bu idmana baş vura bilərsiniz.
Masaj üsulları. Ayaq barmaqlarınıza və ayaqlarınıza masaj tətbiq edərək onların öz təbii hallarına qayıtmağına nail olmaq mümkündür. Xüsusilə, ayaqlarınızda yorğunluq, ayaq barmaqlarınızda hər hansı narahatlıq hiss edirsinizsə, masaj ən əlçatan çarə ola bilər.
Ayağınızın altına masaj topu və ya tennis topu qoyun, yuvarlamağa başlayın.
Ayaq barmaqlarınızı yuxarı-aşağı hərəkət etdirin, ayağınızın altını asta-asta masaj edin. Ardınca dabanı masaj edin.
Baş barmaqlarınızı ehmalca digər ayaq barmaqlarından ayırın, yana doğru çəkin, bir neçə saniyə gözləyib, yenidən əvvəlki vəziyyətinə qaytarın.
Baş barmağınızı öz ətrafında dairəvi hərəkət etdirin. Sonra digər barmaqlardan ayırın, bitişdirin. Proseduru, təqribən, 40 saniyə ərzində yerinə yetirin. Ayaq əzələlərinizin elastikliyi bərpa olunacaq.
Xüsusi qeyd: hərəkətlər ağrı verirsə, etməyin. Sertifikatlı masaj mütəxəssisinə müraciət edin.
Xəsarət yoxlaması. Ayağınızda bunion varsa, ağrısını azaltmaq üçün nə edə biləcəyinizi öyrənmək önəmlidir. Məsələn;