Senator MXX josuslikda ayblagan mahkum bilan uchrashdi

Surxondaryo viloyatidagi 41-sonli manzil koloniyada qolayotgan asli tojikistonlik Abdug‘ani Erdonov senator Iminov bilan uchrashuvdan so‘ng, yana ozodlikka chiqishiga umid uyg‘ongani haqida bildirdi.

Tojikiston foydasiga josuslikda ayblanib, 8 yildan buyon qamoqda qolayotgan 62 yashar mahkum Abdug‘ani Erdonovning "Eltuz"ga ma'lum qilishicha, u O‘zbekiston Oliy majlisi fan, ta'lim va sog‘liqni saqlash qo‘mitasi raisi, senator Odiljon Iminov bilan 21 oktyabr' kuni uchrashgan.

"Mening yetti yillik orzuim amalga oshdi. Shu paytgacha (hukumatdan) bir inson men bilan gaplashmagan edi. Bir soatcha gaplashdik. Yengil bir suhbat o‘tkazishdi. Yuragimdagi hamma gaplarimni aytdim", dedi Erdonov Eltuzga bergan interv'yusida.