პირველი ქართული ოქრო ტოკიოს 2020 ოლიმპიადაზე! ძიუდოისტი ლაშა ბექაური ჩემპიონია!!!

საქართველოს პირველი ოქროს მედალი 2020 წლის ტოკიოს ოლიმპიადაზე 28 ივლისს ძიუდოისტმა ლაშა ბექაურმა მოუტანა! ლაშა 90 კილოგრამ წონით კატეგორიაში ასოპარეზობს და შეჯიბრების პირველ ეტაპზე მეთექვსმეტედფინალში პოლინელი კუჩერა იპონით დაამარცხა. მერვედფინალში ძალიან დაძაბულ ბრძოლაში 2-1 აჯობა ისრაელის წარმომადგენელ კოჩმანს, რომელთანაც თავიდან მარცხდებოდა კიდეც! მეოთხედფინალში უზბეკ ბობნიაკს სძლია, ხოლო ნახევარფინალში რუსეთის წარმომადგენელ იგოლნიკოვს შეხვდა, რომელთანაც ადრე ერთხელ იყო ნაჭიდავები და მაშინ გამარჯვება რუსმა იზეიმა, თუმცა ამჯერად ქარტველმა ფალავანმა შეძლო რევანშის აღება მეტოქეს ვაზარით მოუგო და ფინალში გავიდა. ოქროს მედლისტვის გადამწყვეტ ბრძოლაში ბექაურის მეტოქე გერმანელი ტრიპელი გახლდათ. ფინალშიც ლაშამ ვაზარით მოიგო და ოლიმპიადის ოქროს მედალს დაეუფლა! აღსანიშნავია, რომ 20 წლის ბექაური დაახლოებით ნახევარი წლით ადრე ოლიმპიადამდე აცხადებდა, რომ ტოკიოში ქართულ ჰიმნს ააგუგუნებდა და რომ მისი მიზანი ოლიმპიადის 4 ჯერ მოგება და ამ რეკორდით ისტორიაში შესვლას გეგმავდა, რისთვისაც მან პირველი ნაბიჯი უკვე გადადგა! ვიდეო კი იწყება კადრით, რომელშიც ლაშა დამწყები ძიუდოისტია, 14 წლისაა და აღფრთოვანებით საუბრობს ტურნირზე სადაც მეორე ადგილზე გავიდა.