Скачать или смотреть ကျောက်ဆည်မြို့ကို ခြိမ်းခြောက်နေတဲ့ ကျောက်တုံးကြီးကိစ္စ | People's Spring

ကျောက်ဆည်မြို့ကို ခြိမ်းခြောက်နေတဲ့ ကျောက်တုံးကြီးကိစ္စ စစ်ခေါင်းဆောင်နဲ့ မီးသတ် အမြင်ကွဲလွဲ

People's Spring

ငလျင်ဒဏ်‌ကြောင့် ပုံစံပျက်သွားပေမယ့် ဖြိုမချဘဲ ကွန်ကရစ်‌လောင်းထိန်းသိမ်းဖို့ စစ်ကောင်စီခေါင်းဆောင် ညွှန်ကြားထားတဲ့ ‌ကျောက်ဆည်မြို့ ရွှေသာလျောင်းတောင်ပေါ်က ကျောက်တုံးကြီးဟာ ပြိုကျလာမယ့် အန္တရာယ်ရှိနေကြောင်း မီးသတ်တပ်ဖွဲ့က သတင်းထုတ်ပြန်ပါတယ်။

ရွှေသာလျောင်းဘုရားမှာ တည်ထားတဲ့ ကျောက်တုံးကြီး(ဒေသအခေါ် ကျောက်သေတ္တာ)ဟာ မတ်လ ၂၈ရက်က စစ်ကိုင်းငလျင်ကြီးဒဏ်ကြောင့် အနည်းငယ်တိမ်းစောင်းသွားခဲ့တဲ့အတွက် ပြိုကျလာမှာကို မြို့ခံတွေက စိုးရိမ်နေကြပါတယ်။ အစောပိုင်းမှာ မိုင်းခွဲဖျက်ဆီးမယ်လို့ ခရိုင်စီမံအုပ်ချုပ်ရေးအဖွဲ့က ပြောပေမယ့် ဧပြီ ၁၅ရက်မှာ စစ်ခေါင်းဆောင် ကျောက်ဆည်မြို့ကိုရောက်လာပြီး အဲဒီကျောက်သေတ္တာကို ဆက်လက်ထိန်းသိမ်းထားဖို့ ညွှန်ကြားသွားခဲ့တာပါ။

ဒါပေမဲ့ အခုရက်ပိုင်းအတွင်း မိုးရွာတာကြောင့် ‌ကျောက်တုံးကြီးဟာ နေရာ အနည်းငယ်ရွေ့သွားတယ်လို့ ဒေသခံတွေက ပြောပါတယ်။

မြန်မာနိုင်ငံမီးသတ်တပ်ဖွဲ့ရဲ့ ဧပြီ ၂၉ရက် ထုတ်ပြန်ချက်မှာ စုကြီးရပ်ကွက်က ကျောက်သေတ္တာစေတီတော်ရဲ့ ကျောက်သားပြိုကျလာမယ့် အန္တရာယ်ရှိတာကြောင့် အခြေအနေကို ဘူမိ/ရူပဗေဒတိုင်းတာမှုတွေ လုပ်ဆောင်နေတယ်လို့ ဖော်ပြပါတယ်။

တကယ်လို့အဲဒီကျောင်တုံးကြီးပြုတ်ကျခဲ့ရင် တောင်ခြေက စုကြီးရပ်ကွက်၊ လေးမျက်နှာဘုရား၊ မင်းရဲမြောင်၊ ဈေးလမ်းနယ်နိမိတ်တို့ ထိခိုက်ပျက်စီးမှုတွေရှိနိုင်လို့ ဧပြီ ၃ရက်ကစပြီး နေရာပြောင်းရွှေ့ထားခဲ့ရတာပါ။

လက်ရှိအချိန်အထိ ပြန်ပြင်တာမရှိသလို ဒေသခံတွေကိုလည်း ပြန်နေထိုင်ခွင့် မပေးသေးပါဘူး။

စစ်ကောင်စီခေါင်းဆောင်က ကျောက်သေတ္တာရှိတဲ့နေရာကို ဒရုန်းနဲ့အသေးစိတ်ရိုက်ကူးပြီး အချက်အလက်ရယူဖို့၊ မိုင်းခွဲဖြိုချတာမလုပ်ဘဲ အရည်အသွေးပြည့်မီတဲ့ ကွန်ကရစ် RC လောင်းပြီး ထိန်းသိမ်းဖို့ ညွှန်ကြားခဲ့ပါတယ်။

အဲဒီကျောက်တုံးကြီးဟာ ရွှေသာလျောင်းတောင်ပေါ်က အမြင့် ပေ ၃၅၀ခန့်အကွာမှာ ရှိနေပါတယ်။

အင်အားပြင်းငလျင်ကြီးအလွန်မှာ နောက်ဆက်တွဲငလျင်တွေလှုပ်ခတ်နေပြီး ကျောက်ဆည်မြို့မှာ ရစ်ခ်တာစကေး ၃ ကနေ ၅အတွင်း ငလျင် ၁၅ကြိမ် ထက်မနည်း လှုပ်ခတ်ခဲ့ပါတယ်။

#ludunwayoo #လူထုနွေဦး #NewsUpdate

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 -   / ludunwayoo  
𝗧𝗲𝗹𝗲𝗴𝗿𝗮𝗺 - https://t.me/peoplespring