Скачать или смотреть ⚜️ ძალიან მნიშვნელოვანია, რომ ყველა ქრისტიანმა გაიაზროს თუ რატომ და რისთვის მარხულობ ⚜️

დეკანოზი შალვა კეკელია — ამონარიდი ქადაგებიდან 25:02.2026

"რატომ უნდა სცეთ პატივი მარხვის ჭაღარას? — იმიტომ, რომ მარხვა ყველაზე ძველი რამ არის, რაც კი მცნება მიეცა ადამიანს. მარხვა არის ადამიანის დაბადებიდან, როგორც კი ადამი გააჩინა ღმერთმა მიწაზე და მოავლინა ამ ქვეყანას — ადამიანის დაბადებისთანავე დაიბადა მარხვა.

ღმერთმა უთხრა ადამს, რომ ამ ხილისაგან არ უნდა ჭამო, დაუდო მცნება, დაუდო მარხვა და მარხვის დარღვევამ ადამი გამოაძევა სამოთხიდან. ამიტომ ძალიან მნიშვნელოვანია, რომ ყველა ქრისტიანმა გაიაზროს თუ რატომ და რისთვის მარხულობ.

რას ნიშნავს მარხვის დარღვევა? — ნიშნავს იმას, რომ შენ საკუთარ თავს აკლებ სამოთხეს. შენ შენი ნებით გამოდიხარ სამოთხიდან და შენ სამოთხეში ვერ დამკვიდრდები. მარხვის გარეშე ეს ვერ მოხდება.

ხშირად მომისმენია და ადამიანებიც მესაუბრებიან, რომ — მამაო, ქრისტეს გარეშე რა ადამიანი ვერ ცხონდება თუ კეთილია, წესიერია, პატიოსანია, ამდენ სიკეთეებს აკეთებს, რამდენჯერ თქვენც დაგისვამთ ეს კითხვები. ხედავ ადამიანს, რომ ძალიან წესიერია, პატიოსანია, ამდენ სიკეთეებს აკეთებს და როგორ შეიძლება ეს ადამიანი ქრისტეს გარეშე ან მარხვის გარეშე ცხონდეს — ქრისტე ამბობს, რომ ვერა, ვერ ცხონდება. ადამიც ძალიან წესიერი იყო და მცნება დაარღვია უბრალოდ, არაფერი ისეთი არ დაუშავებია.

ყველას გახსოვთ ათი ქალწულის იგავი, რომ ათი ქალწული ემზადებოდა მაცხოვრის მოსვლისთვის. ხუთმა მათგანმა მოამზადა ეს ლამპარი, ხოლო ხუთმა არ მოამზადა, არადა ქალწულები იყვნენ, წმიდები იყვნენ, ანუ ისინი არაფერს არ აშავებდნენ, ძალიან წმიდად და სწორად ცხოვრობდნენ. ერთადერთი მარხვა მოაკლეს საკუთარ თავს.
ამიტომ ვერ ცხონდება და ვერ გადარჩება ადამიანი ამის გარეშე. და როდესაც მოვიდა უკვე მეუფე — მათ უკვე ეს ლამპრები უქრებოდათ და თხოვეს ამ ხუთს, რომ მოდი თქვენი ლამპრიდან მოგვეცი ზეთი — მათ კი უთხრეს, რომ ვერ მოგცემთ, რადგან არც ჩვენ გვეყოფა და არც თქვენ გეყოფათ — ეს თქვენ უნდა გამოგემუშავებინათ.

ზოგჯერ ჰგონია ადამიანს, რომ სხვის ხარჯზე იზამს ამ ყველაფერს და ჩემთვისაც უთქვამთ, რომ შენ ხომ მყავხარ და მაცხოვნებ — მე ვერ გაცხონებ. ჩვენ ყველანი, რომ ღმერთთან წარვდგებით, მარტო წარვდგებით. შენ აგებ პასუხს შენს ცხოვრებაზე. ღმერთი არ გკითხავს ვინ როგორ მოგექცა — ის გკითხავს, შენ როგორ მოექეცი მათ.

ადამიანმა გაგიკეთა ბოროტება, მოგექცა საშინლად — შენ როგორ მოექეცი?
ადამიანმა გაგიკეთა სიკეთე, უამრავი პატივი გცა — შენ როგორ მოექეცი ?
ეს სიკეთე იმისია, რადგან მან გაგიკეთა სიკეთე, ეს მას ეკუთვნის. შენ გეკუთვნის ამ სიკეთის სწორად მიღება და დაფასება."


🎥 ქადაგებების ვიდეოამონარიდები უკვე ხელმისაწვდომია ჩვენს YouTube არხზე
📌 იხილეთ ბმული :    / @pericvaleba  
_______________________________________
ამონარიდი ქადაგებიდან 25:02.2026
დეკანოზი შალვა კეკელია